ഇസ്രായേല് പ്രധാനമന്ത്രി നഫ്താലി ബെന്നറ്റിന്റെ ഇന്ത്യാ സന്ദര്ശനം ഏപ്രിലില് സന്ദര്ശനം ഇരുരാജ്യങ്ങളും തമ്മിലുള്ള നയതന്ത്രബന്ധം സ്ഥാപിതമായതിന്റെ മുപ്പതാം വാര്ഷികം ആഘോഷിക്കുന്നതിന്റെ ഭാഗമായി
ഇസ്രായേല് പ്രധാനമന്ത്രി നഫ്താലി ബെന്നറ്റ് ഏപ്രിലില് ഇന്ത്യ സന്ദര്ശിക്കും. ഇരുരാജ്യങ്ങളും തമ്മിലുള്ള നയതന്ത്രബന്ധം സ്ഥാപിതമായതിന്റെ മുപ്പതാം വാര്ഷികം ആഘോഷിക്കുന്നതിന്റെ ഭാഗമായാണ് നഫ്താലി ബെന്നറ്റ് ഏപ്രില് രണ്ടിന് ഇന്ത്യയിലെത്തുക. സാങ്കേതിക വിദ്യ, സുരക്ഷ, സൈബര്, കാര്ഷിക, കാലാവസ്ഥാ വ്യതിയാന മേഖലകളില് സഹകരണം ശക്തിപ്പെടുത്തുകയെന്ന ലക്ഷ്യവും സന്ദര്ശനത്തിന്റെ പിന്നിലുണ്ട്.
പ്രധാനമന്ത്രി നഫ്താലി ബെന്നറ്റിന്റെ ആദ്യ ഔദ്യോഗിക ഇന്ത്യാ സന്ദര്ശനം ഏപ്രില് രണ്ടിന് നടക്കുമെന്നും പ്രധാനമന്ത്രി നരേന്ദ്രമോദിയുടെ ക്ഷണപ്രകാരമാണ് ഇതെന്നും ഇസ്രായേല് പ്രധാനമന്ത്രിയുടെ വിദേശ മാധ്യമ ഉപദേഷ്ടാവ് പ്രസ്താവനയില് അറിയിച്ചു. കഴിഞ്ഞവര്ഷം ഒക്ടോബറില് ഗ്ലാസ് ഗോവില് നടന്ന യുഎന് കാലാവസ്ഥാ വ്യതിയാന സമ്മേളനത്തിനിടെയാണ് മോദിയും ബെന്നറ്റും കൂടിക്കാഴ്ച നടത്തിയിരുന്നു. ഈ കൂടിക്കാഴ്ചയിലാണ് മോദി ബെന്നറ്റിനെ ഇന്ത്യയിലേക്ക് ക്ഷണിച്ചതെന്നും പ്രസ്താവനയില് പറയുന്നു.
