സംസ്ഥാനത്ത് സ്വര്ണ വിലയില് വര്ധനവ്. കഴിഞ്ഞ രണ്ട് ദിവസങ്ങളില് ഒരേ വിലയില് തുടര്ന്ന വിപണിയില് ഇന്ന് 120 രൂപയുടെ വര്ധനവാണ് ഉണ്ടായത്. ഇന്ന് ഒരു പവന് സ്വര്ണത്തിന് 57,120 രൂപയാണ് നല്കേണ്ടത്. ഒരു ഗ്രാം സ്വര്ണത്തിന് വില 7140 രൂപയുമാണ്. അതേസമയം സംസ്ഥാനത്തെ വെള്ളി വില ഇന്ന് ഗ്രാമിന് 99.80 രൂപയും കിലോഗ്രാമിന് 99,800 രൂപയുമാണ് ഇന്നത്തെ വില.
ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ടണ് കണക്കിന് സ്വര്ണം ഓരോ വര്ഷവും രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും. രാജ്യാന്തര വിപണിയില് സ്വര്ണത്തിന് വില കുറഞ്ഞാല് ഇന്ത്യയില് വില കുറയണമെന്ന് നിര്ബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങള് ഇന്ത്യയിലെ സ്വര്ണവില നിശ്ചയിക്കുന്നതില് പ്രധാന പങ്കുവഹിക്കും.
