ബംഗാള് ഉള്ക്കടലിലെ അതി തീവ്ര ന്യൂനമര്ദം ഇന്ന് അസാനി ചുഴലിക്കാറ്റായി രൂപം പ്രാപിക്കും. വൈകുന്നേരത്തോടെ മധ്യകിഴക്കന് ബംഗാള് ഉള്ക്കടലില് അസാനി ചുഴലിക്കാറ്റ് രൂപപ്പെടുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ചുഴലിക്കാറ്റിന്റെ സഞ്ചാരപാതയില് കേരളം നേരിട്ടില്ല. അതേസമയം സംസ്ഥാനത്ത് കനത്ത മഴയ്ക്ക് സാധ്യതയുണ്ട്
ഇടിമിന്നലിനോടും ശക്തമായ കാറ്റിനോടുമുള്ള മഴയ്ക്കാണ് സാധ്യത. കിഴക്കന് മേഖലകളില് മഴ കൂടുതല് ലഭിക്കും. മറ്റന്നാളോടെ മധ്യ കേരളത്തിലും തെക്കന് കേരളത്തിലും മഴ ശക്തിപ്രാപിക്കും. ബംഗാള് ഉള്ക്കടലില് മത്സ്യബന്ധനത്തിന് പോയവര് സുരക്ഷിത തീരങ്ങളിലേക്ക് മാറണമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു
മെയ് 10ന് ആന്ധ്ര ഒഡീഷ തീരത്തേക്ക് അസാനി ചുഴലിക്കാറ്റ് എത്തും. ആന്ധ്ര, ഒഡീഷ തീരങ്ങളില് മുന്നറിയിപ്പ് നല്കിയിട്ടുണ്ട്. ആന്ധ്രയുടെ തീര മേഖലയില് 90 കിലോമീറ്റര് വരെ വേഗതയില് കാറ്റിന് സാധ്യതയുണ്ട്. തീര മേഖലയില് നിന്ന് ആളുകളെ മാറ്റിപാര്പ്പിച്ചു തുടങ്ങി