മഴ കനത്തതോടെ സംസ്ഥാനത്ത് ജാഗ്രതാ നിര്ദ്ദേശം നല്കി. കോഴിക്കോട് ജില്ലയില് ഇന്ന് ഓറഞ്ച് അലര്ട്ടും തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കണ്ണൂര് ജില്ലകളില് യെല്ലോ അലര്ട്ടും പ്രഖ്യാപിച്ചു.
പത്തനംതിട്ട ജില്ലയുടെ വടക്കന് മേഖലകളില് ശക്തമായ മഴയാണ് ലഭിക്കുന്നത്. ഇതേതുടര്ന്ന് മൂഴിയാര് അണക്കെട്ടില് റെഡ് അലര്ട്ട് പ്രഖ്യാപിച്ചു. 192.63 അടിയാണ് അണക്കെട്ടിന്റെ പരമാവധി സംഭരണശേഷി. ഇന്നലെ വൈകിട്ടോടെ ഇത് 190 അടി പിന്നിട്ടു. 192.3 അടിയില് എത്തിയാല് അണക്കെട്ട് തുറന്നു വിടുമെന്ന് അധികൃതര് വ്യക്തമാക്കി.
കക്കട്ടാറിന്റെ തീരപ്രദേശങ്ങളിലെ ആങ്ങാമുഴി, സീതത്തോട് എന്നിവിടങ്ങളില് ഉള്ളവര് ജാഗ്രത പാലിക്കണം. കക്കാട് പവര് ഹൗസ് വരെ ഇരു കരകളിലും താമസിക്കുന്നവര് ജാഗ്രത പാലിക്കണമെന്ന് മുന്നറിയിപ്പില് പറയുന്നു. 09-06-2023 : തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, കോഴിക്കോട്, കണ്ണൂര്.
10-06-2023 : പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി.
11-06-2023 : പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി.
12-06-2023 : പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി
എന്നീ ജില്ലകളില് കേന്ദ്ര കാലാവസ്ഥാ വകുപ്പ് മഞ്ഞ അലര്ട്ട് പ്രഖ്യാപിച്ചു.
കോഴിക്കോട് ഇന്ന് ഒറ്റപ്പെട്ടയിടങ്ങളില് അതിശക്തമായ മഴക്കുള്ള സാധ്യതയാണ് പ്രവചിച്ചിരിക്കുന്നത്.
