നിറഞ്ഞ ചിരി ; മലയാളത്തിലെ ഹാസ്യത്തിന്റെ താളം മാറ്റിയ ചിരി-ഇന്നസെന്റിന്റെ വിയോഗം ചലചിത്രമേഖലക്ക് നികത്താനാകാത്ത നഷ്ടം

ഒരൊറ്റ വേഷത്തിലും സംസാരഭാഷയുടെ  നിഷ്കളങ്കത കൈവിടാൻ ഇന്നസെന്റിനായില്ല.ആ ശൈലി മലയാളത്തിലെ ഹാസ്യത്തിന്റെ താളം മാറ്റി. ശരീരത്തിന്റെ ചലനവൈകൃതങ്ങളിലല്ല ആ  ഹാസ്യം കേന്ദ്രീകരിച്ചത്. സ്വാഭാവികവും തെളിഞ്ഞതുമായ നാട്ടുഭാഷയുടെ പ്രയോഗത്തിലാണ്. തൃശൂർ ഭാഷ എന്ന് അതിനെ വിശേഷിപ്പിച്ചു.

പക്ഷേ പറങ്കിമലയിൽ ടി ജി രവി ഉപയോഗിച്ച തൃശൂർ ഭാഷയായിരുന്നില്ല അത്. സൂക്ഷ്മ വിശകലനത്തിൽ ഇരിങ്ങാലക്കുടയിലെയും മാപ്രാണത്തെയും നസ്രാണിഭാഷയുടെ തെളിമയായിരുന്നു ഇന്നസെന്റിന്റേത്. മനസ്സിൽനിന്ന് ഒഴുകിയെത്തുംപോലെ അത് കാണിയിലേക്കിറങ്ങി. പിന്നണിയായി കൈയും കണ്ണും. തലയുടെ ചെറിയ ചലനം. കലകളില്ലാത്ത കണ്ണാടിപോലുള്ള മുഖത്തെ പേശികളുടെ വിറയൽ.

അതിനെല്ലാമപ്പുറത്ത് വില്ലൻ വേഷത്തിലും ക്യാരക്ടർ റോളിലുമെല്ലാം ചുണ്ടിൽ നിലനിന്ന പുഞ്ചിരി. ഇത്രയും മതിയായിരുന്നു ഇന്നസെന്റിന് മലയാളസിനിമയെ തന്റേതാക്കാൻ. അതാകട്ടെ കാഴ്ചക്കാരനെ ചെടിപ്പിക്കാതെ ഒടുക്കം വരെയും കൊണ്ടുചെന്നെത്തിക്കാനായതാണ് വിജയമായത്. റാംജിറാവ് സ്പീക്കിങ്ങിലെ മാന്നാർ മത്തായി  കൊളുത്തിവിട്ട ഭാഷയുടെയും ചലനങ്ങളുടെയും  നിഷ്്ക്കളങ്കതയാണ് മലയാളം സ്നേഹിച്ചത്.

അതിന് അനിതരസാധാരണമായ ഒഴുക്കുണ്ടായി. ഹാസ്യത്തിനായി സൃഷ്ടിക്കപ്പെട്ടതായിരുന്നില്ല പലപ്പോഴും ആ ചലനവും സംസാരവും. ഇരിങ്ങാലക്കുടയിലെ പഴയ നാട്ടുവഴികളിലും കവലയിലും വെടിപറഞ്ഞ നാടൻ മനുഷ്യന്റെ ഉള്ളിൽ നിന്നുരുത്തിരിഞ്ഞ സ്വാഭാവിക വർത്തമാനവും നോട്ടവുമായിരുന്നു.

spot_img

Related news

ബില്ലുകളില്‍ തീരുമാനം വൈകുന്നു; രാഷ്ട്രപതിക്കെതിരെ കേരളം സുപ്രീം കോടതിയില്‍, അസാധാരണ നീക്കം

നിയമസഭ പാസാക്കിയ ബില്ലുകള്‍ക്ക് അനുമതി തടഞ്ഞ രാഷ്ട്രപതിയുടെ നടപടി ചോദ്യം ചെയ്ത്...

കലാമണ്ഡലം സത്യഭാമയുടെ വിവാദ പരാമർശം : മനുഷ്യാവകാശ കമ്മീഷൻ സ്വമേധയാ കേസെടുത്തു.

തൃശൂർ: ആർ.എൽ.വി. രാമകൃഷ്ണനെ ഉദ്ദേശിച്ച് ഒരു യൂട്യൂബ് ചാനലിൽ കറുത്ത നിറമുള്ളവർ...

ലോക്‌സഭാ തെരഞ്ഞെടുപ്പ് : ബാങ്കില്‍ നിന്ന് വലിയ തുക പിന്‍വലിക്കുന്നവര്‍ രേഖകള്‍ കയ്യില്‍ കരുതണം

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് വിവിധ എന്‍ഫോഴ്‌സ്‌മെന്റ്, എസന്‍ഷ്യല്‍ വകുപ്പുകളിലെ ഉദ്യോഗസ്ഥരുടെ യോഗം...

തിരുന്നാവായ ജംഗ്ഷനിൽ ഗ്യാസ് സിലിണ്ടർ പൊട്ടിത്തെറിച്ച് പെട്ടിക്കടകൾ കത്തി നശിച്ചു

പുത്തനത്താണി തിരുന്നാവായ ജംഗ്ഷനിൽഗ്യാസ് സിലിണ്ടർ പൊട്ടിത്തെറിച്ച് പെട്ടിക്കടകൾ കത്തി നശിച്ചു.ഓട്ടോറിക്ഷ സ്റ്റാൻഡിന്...

സിഎഎ: പ്രതിഷേധ കേസ് പിന്‍വലിക്കല്‍ വേഗത്തിലാക്കാന്‍ നിര്‍ദേശിച്ച് സര്‍ക്കാര്‍

പൗരത്വ നിയമ ഭേദഗതിക്കെതിരായ പ്രതിഷേധവുമായി ബന്ധപ്പെട്ട് സംസ്ഥാനത്ത് രജിസ്റ്റര്‍ ചെയ്ത കൂടുതല്‍...