തിരുരുവനന്തപുരം: വീട്ടമ്മമാര്ക്ക് വര്ക്ക് നിയര് ഹോം പദ്ധതിക്കായി അമ്പതുകോടി രൂപ നീക്കിവെക്കുമെന്ന് ധനമന്ത്രി കെ എന് ബാലഗോപാല്.2022 23 വര്ഷത്തേക്കുള്ള ബജറ്റ് അവതരിപ്പിക്കുകയായിരുന്നു അദ്ദേഹം.ഗ്രാമങ്ങളും ചെറുപട്ടണങ്ങളും കേന്ദ്രീകരിച്ച് ലോകമെമ്പാടുമുളള കമ്പനികള്ക്ക് വേണ്ടി ഓണ്ലൈനായി തൊഴിലെടുക്കുക എന്ന സാധ്യത നാം ഉപയോഗപ്പെടുത്തേണ്ടതുണ്ട്. വര്ക്ക് ഫ്രം ഹോം പോലെ വര്ക്ക് നിയര് ഹോം എന്ന ആശയവും സ്വീകാര്യമാവുകയാണ്. ഐടി അധിഷ്ഠിത സൗകര്യങ്ങളുളള തൊഴില് കേന്ദ്രങ്ങള് സംസ്ഥാനത്തിന്റെ പല ഭാഗങ്ങളിലും തുടങ്ങുന്നതോടെ അഭ്യസ്തവിദ്യരായ വീട്ടമ്മമാര്ക്കുള്പ്പടെ തൊഴില് ലഭിക്കും.പദ്ധതിയിലൂടെ അഭ്യസ്തവിദ്യരായ വീട്ടമ്മമാര്ക്ക് തൊഴില് ലഭിക്കുമെന്ന് അദ്ദേഹം അവകാശപ്പെട്ടു.ഫുഡ്പ്രോസസിംഗ് പാര്ക്ക് സ്ഥാപിക്കുന്നതിന് 100 കോടി രൂപ അനുവദിച്ചു. വ്യവസായ വകുപ്പിന് കീഴില് 10 മിനി പാര്ക്കുകളാണ് സ്ഥാപിക്കുന്നത്. ഇതിനായി കിഫ്ബിയില്നിന്നും 100 കോടി രൂപ അനുവദിക്കുമെന്നും മന്ത്രി പറഞ്ഞു
