കോട്ടയത്ത് നിയന്ത്രണംവിട്ട ഓട്ടോ മതിലില് ഇടിച്ചു താഴ്ചയിലേക്കു മറിഞ്ഞുണ്ടായ അപകടത്തില് ഡ്രൈവര് മരിച്ചു. സംക്രാന്തി ചിറയില് സുലൈമാന്റെ മകന് റിയാസ് (32) ആണു മരിച്ചത്. റെയില്വേ ഓട്ടോ സ്റ്റാന്ഡിലെ െ്രെഡവറാണ്. ഓട്ടം പോയി തിരികെ വരുംവഴി, കഞ്ഞിക്കുഴി മടുക്കാനി വളവിനു സമീപം ബുധനാഴ്ച രാത്രി 10.15ന് ആണ് അപകടം. ഓട്ടോ ഓടിക്കുന്നതിനിടെ റിയാസിനു ദേഹാസ്വാസ്ഥ്യം ഉണ്ടായതായും തുടര്ന്നാണ് അപകടം ഉണ്ടായതെന്നു കരുതുന്നതായും പൊലീസ് പറഞ്ഞു.
ഓട്ടോയില് കുടുങ്ങിയ ഡ്രൈവറെ ഈസ്റ്റ് പൊലീസ് പുറത്തെടുത്തു ജനറല് ആശുപത്രിയില് എത്തിച്ചു. തുടര്ന്നു മെഡിക്കല്കോളജ് ആശുപത്രിയിലേക്കു മാറ്റിയെങ്കിലും വൈകാതെ മരിച്ചു. ഹൃദയാഘാതമാണ് മരണകാരണമെന്നു ഡോക്ടര്മാര് അറിയിച്ചുവെന്നു പൊലീസ് പറഞ്ഞു. അവിവാഹിതനാണ്. മൃതദേഹം ആശുപത്രി മോര്ച്ചറിയില്. മാതാവ്: റംല. സഹോദരങ്ങള്: റഫീക്ക്, റിയാദ്.
