മഞ്ചേരി: മേലാക്കത്ത് 500 രൂപയുടെ വ്യാജ നോട്ടുകള് ഉപേക്ഷിച്ച നിലയില് കണ്ടെത്തി. മേലാക്കം നെല്ലിപറമ്പ് റോഡിനോട് ചേര്ന്നുള്ള കവുങ്ങ് തോട്ടത്തിലെ വെള്ളക്കെട്ടിലാണ് നോട്ടുകള് കണ്ടെത്തിയത്. ശനിയാഴ്ച രാവിലെ പത്തോടെ ഇതുവഴി നടന്നുപോവുകയായിരുന്ന സ്ത്രീയാണ് നോട്ടുകള് വെള്ളത്തിലൂടെ ഒഴുകുന്നത് കണ്ടത്. ഇതോടെ പ്രദേശവാസികളെ വിവരമറിയിച്ചു. ഇവര് സ്ഥലത്തെത്തി വെള്ളത്തിലിറങ്ങി പരിശോധന നടത്തിയതോടെ പ്ലാസ്റ്റിക് കവറില് കെട്ടിയ കൂടുതല് നോട്ടുകെട്ടുകള് ലഭിച്ചു. ഉടനെ പോലീസില് വിവരമറിയിച്ചു.പൊലീസ് സ്ഥലത്തെത്തി കൂടുതല് നോട്ടുകള് കണ്ടെടുത്തു.
