കൊച്ചി: നടി മഞ്ജു വാര്യര് കൊടുത്ത പരാതിയില് പൊലീസ് കസ്റ്റഡിയിലെടുത്ത സംവിധായകന് സനല് കുമാര് ശശിധരന് ജാമ്യം. ആലുവ മജിസ്ട്രേറ്റ് കോടതിയാണ് ജാമ്യം നല്കിയത്. സാമൂഹിക മാധ്യമങ്ങള് വഴി അപമാനിക്കുകയും തന്നെ പിന്തുടര്ന്ന് ശല്യപ്പെടുത്തുകയും ചെയ്തുവെന്ന മഞ്ജുവിന്റെ പരാതിയിലാണ് പൊലീസ് കേസെടുത്തത്.മഞ്ജു വാര്യരെ ഇഷ്ടമാണെന്നും അതിനാലാണ് പ്രണയാഭ്യര്ത്ഥന നടത്തിയത് എന്നും സനല്കുമാര് ശശിധരന് പൊലീസ് ചോദ്യം ചെയ്യലില് മൊഴി നല്കിയിരുന്നു. കഴിഞ്ഞ ദിവസമാണ് മഞ്ജുവിന്റെ പരാതിയില് സനല് കുമാര് ശശിധരനെ പൊലീസ് അറസ്റ്റ് ചെയ്തത്. സനല്കുമാര് ശശിധരന് പ്രണായാഭ്യര്ത്ഥനയുമായി നിരന്തരം ശല്യപ്പെടുത്തിയതായി മഞ്ജു വാര്യരുടെ പരാതിയിലും ഉണ്ടായിരുന്നു.
