ഷൊര്‍ണൂര്‍ വൃദ്ധസഹോദരിമാരുടെ മരണം; കൊലപാതകമെന്ന് പൊലീസ്, പ്രതി അറസ്റ്റില്‍

കവളപ്പാറ നീലാമലക്കുന്നില്‍ വൃദ്ധസഹോദരിമാര്‍ പൊള്ളലേറ്റ് മരിച്ചത് കൊലപാതകമെന്ന് പൊലീസ്. സംഭവത്തില്‍ തൃത്താല ഞാങ്ങാട്ടിരി മാട്ടായ കോതയത്ത് വീട്ടില്‍ മണികണ്ഠനെ (48) ഷൊര്‍ണൂര്‍ പൊലീസ് അറസ്റ്റ് ചെയ്തു. കവളപ്പാറ നീലാമലക്കുന്ന് അമ്പലത്തൊടി വീട്ടില്‍ എ ആര്‍ പത്മിനി (74), എ ആര്‍ തങ്കം (71) എന്നിവരാണ് മരിച്ചത്. വ്യാഴം പകല്‍ മൂന്നോടെയാണ് ഇവരെ പൊള്ളലേറ്റ് മരിച്ചനിലയില്‍ കണ്ടത്. സംഭവസ്ഥലത്ത് സംശയാസ്പദമായ സാഹചര്യത്തില്‍ കണ്ട മണികണ്ഠനെ വ്യാഴാഴ്ച പൊലീസ് കസ്റ്റഡിയിലെടുത്തിരുന്നു.

സംഭവത്തെക്കുറിച്ച് പൊലീസ് പറയുന്നതിങ്ങനെ: വ്യാഴാഴ്ച ഉച്ചയ്ക്ക് മണികണ്ഠന്‍ പത്മിനിയുടെ വീട്ടിലെത്തി. പെയിന്റിങ് ജോലിക്ക് എത്തിയ മണികണ്ഠന്‍ പത്മിനിയുമായി പരിചയം പുതുക്കി. അകത്ത് കയറിയ പ്രതി പത്മിനിയുമായി സംസാരം തുടങ്ങി, ഇതിനിടയില്‍ സ്വര്‍ണാഭരണങ്ങള്‍ മോഷ്ടിച്ചു. ഇതുകണ്ട് പത്മിനി ബഹളംവച്ചു. മല്‍പിടിത്തത്തില്‍ പത്മിനിയെ മര്‍ദിച്ച് മുറിവേല്‍പ്പിച്ചു. സമീപത്തെ വീട്ടിലായിരുന്ന തങ്കം ബഹളംകേട്ട് ഓടിയെത്തി. സഹോദരിമാര്‍ ചെറുക്കുന്നതിനിടെ മണികണ്ഠന്‍ ഇവരെ ദേഹോപദ്രവം ഏല്‍പ്പിച്ച് അടുക്കളയിലിരുന്ന ഗ്യാസ് സിലിണ്ടറുകളുടെ പൈപ്പ് ഊരി തീ കൊളുത്തി. ശരീരത്തിലുണ്ടായ മുറിവുകളും പൊള്ളലേറ്റതുമാണ് സഹോദരിമാരുടെ മരണകാരണമെന്ന് പാലക്കാട് എസ്പി ആര്‍ ആനന്ദ് പറഞ്ഞു.
മണികണ്ഠന്റെ തലയിലും ദേഹത്തും മുറിവുണ്ട്. മോഷണത്തിന് ഉറപ്പിച്ചാണ് ഇയാള്‍ എത്തിയത്.

സ്വര്‍ണാഭരണങ്ങള്‍ ഇയാളുടെ സ്വകാര്യ ഭാഗങ്ങളില്‍ ഒളിപ്പിച്ച നിലയില്‍ പൊലീസ് കണ്ടെത്തി. ശനിയാഴ്ച സ്ഥലത്തെത്തിച്ച് തെളിവെടുപ്പ് നടത്തും. മണികണ്ഠനെതിരെ തൃത്താല പൊലീസ് സ്‌റ്റേഷനില്‍ ഒരു കേസുണ്ട്.

spot_img

Related news

ഐശ്വര്യത്തിന്റെയും സമൃദ്ധിയുടെയും പൊന്‍പുലരി കണി കണ്ടുണര്‍ന്ന് നാടെങ്ങും ഇന്ന് വിഷു ആഘോഷം

ഐശ്വര്യവും, സമ്പല്‍സമൃദ്ധിയും നിറഞ്ഞ പുതു കാലത്തിനായുള്ള പ്രാര്‍ത്ഥനയും, പ്രതീക്ഷയുമായി ഇന്ന് വിഷു....

റഹീമിനെ മോചിപ്പിക്കാൻ കാരുണ്യപ്പെയ്ത്; വാദി ഭാഗം വക്കീലുമായി കൂടിക്കാഴ്ച ഉടൻ

സൗദി ജയിലിൽ കഴിയുന്ന അബ്ദുൽ റഹീമിന്റെ മോചനത്തിന് 34 കോടി രൂപ...

സംസ്ഥാനത്തെ സർക്കാർ മെഡിക്കൽ കോളേജുകൾക്ക് ചരിത്ര നേട്ടം; 7 വിദ്യാർത്ഥികൾക്ക് രാജ്യത്ത് ഒന്നാം സ്ഥാനത്തോടെ സ്വർണ മെഡലുകൾ

സംസ്ഥാനത്തെ സർക്കാർ മെഡിക്കൽ കോളേജുകളിലെ 7 വിദ്യാർത്ഥികൾക്ക് അഖിലേന്ത്യാ മെഡിക്കൽ സയൻസ്...

ഫഹദ് ഫാസിൽ കവിത ഗോൾഡ് ആന്റ് ഡയമണ്ട്സ് ബ്രാന്റ് അംബാസിഡർ

പാലക്കാട്‌: സിനിമാതാരം ഫഹദ് ഫാസിൽ കവിത ഗോൾഡ് ആന്റ് ഡയമണ്ട്സിന്റെ പുതിയ...

ബില്ലുകളില്‍ തീരുമാനം വൈകുന്നു; രാഷ്ട്രപതിക്കെതിരെ കേരളം സുപ്രീം കോടതിയില്‍, അസാധാരണ നീക്കം

നിയമസഭ പാസാക്കിയ ബില്ലുകള്‍ക്ക് അനുമതി തടഞ്ഞ രാഷ്ട്രപതിയുടെ നടപടി ചോദ്യം ചെയ്ത്...