മഞ്ചേരി: സിപിഐ 24ാം പാര്ടി കോണ്ഗ്രസിന് മുന്നോടിയായുള്ള ജില്ലാ സമ്മേളനം 17 മുതല് 19 വരെ മഞ്ചേരിയില് നടക്കും. ഹില്ട്ടണ് ഓഡിറ്റോറിയത്തിലെ ടി കെ സുന്ദരന് നഗറിലാണ് സമ്മേളനം. 18ന് രാവിലെ 10ന് പ്രതിനിധി സമ്മേളനം സംസ്ഥാന സെക്രട്ടറി കാനം രാജേന്ദ്രന് ഉദ്ഘാടനംചെയ്യുമെന്ന് സ്വാഗതസംഘം ചെയര്മാന് പി സുബ്രഹ്മണ്യന് വാര്ത്താ സമ്മേളനത്തില് പറഞ്ഞു.
17ന് വൈകിട്ട് അഞ്ചിന് പതാക, കൊടിമരം, ബാനര്, ദീപശിഖ ജാഥകള് കോഴിക്കോട് റോഡില് മാധവന് നായര് സ്മാരകത്തിനുസമീപം സംഗമിക്കും. തുടര്ന്ന് കച്ചേരിപ്പടിയില് (ആളൂര് പ്രഭാകരന് നഗര്) 3000 പേര് അണിനിരക്കുന്ന റാലിയും പൊതുസമ്മേളനവും സാംസ്കാരിക സദസും നടക്കും. കേന്ദ്ര കണ്ട്രോള് കമീഷന് ചെയര്മാന് പന്ന്യന് രവീന്ദ്രന് ഉദ്ഘാടനംചെയ്യും