തൃശൂരില് ഇടിമിന്നലേറ്റ് യുവതിക്ക് കേള്വിശക്തി നഷ്ടമായി. തൃശൂര് കല്പറമ്പ് സ്വദേശി സുബീഷിന്റെ ഭാര്യ ഐശ്വര്യയ്ക്കാണ് (36) ഇടതു ചെവിയുടെ കേള്വി ശക്തി നഷ്ടമായത്. വീടിന്റെ ഭിത്തില് ചാരിയിരുന്ന് ആറ് മാസം പ്രായമായ കുഞ്ഞിന് മുലയൂട്ടുന്നതിനിടെയാണ് ഐശ്വര്യയ്ക്ക് ഇടിമിന്നലേറ്റത്. ശക്തമായ ഇടിമിന്നലില് ഐശ്യര്യയുടെ കൈയില്നിന്ന് കുഞ്ഞ് തെറിച്ചുവീണു.
ഇടിമിന്നലില് ഐശ്വര്യയുടെ ശരീരത്ത് പൊള്ളലേറ്റിട്ടുണ്ട്. മുടി കരിഞ്ഞുപോയ അവസ്ഥയിലായിരുന്നു. യുവതിയെ ഇരിങ്ങാലക്കുല സഹകരണ ആശുപത്രിയില് പ്രവേശിപ്പിച്ചു. ഐശ്വര്യയുടെ കൈയില്നിന്ന് തെറിച്ചുവീണെങ്കിലും കുഞ്ഞ് പരിക്കേല്ക്കാതെ രക്ഷപ്പെട്ടു.
ചൊവ്വാഴ്ച രാത്രി ഏഴ് മണിയോടെയാണ് ശക്തമായ ഇടിമിന്നലുണ്ടായത്. അപകടത്തില് വീട്ടിലെ സ്വിച്ച് ബോര്ഡും ബള്ബുകളും പൊട്ടിത്തെറിച്ചു. വീടിന്റെ ഭിത്തികള്ക്ക് കേടുപാടുകള് സംഭവിച്ചിട്ടുണ്ട്. സമീപത്തെ വീടുകളിലെ ഇലക്ടിക് ഉപകരണങ്ങള് കത്തി നശിച്ചു.
