മൂന്നിടത്ത് ഇന്ന് ഉപതെരഞ്ഞെടുപ്പ്


മലപ്പുറം: ജില്ലയില്‍ വള്ളിക്കുന്ന്, ആലങ്കോട്, കണ്ണമംഗലം പഞ്ചായത്തുകളിലാണ് ചൊവ്വാഴ്ച ഉപതെരഞ്ഞെടുപ്പ് നടക്കുന്നത്‌. എല്‍ഡിഎഫ് സര്‍ക്കാരിന്റെ വികസനവും പ്രാദേശിക വികസനവും ചൂണ്ടിക്കാട്ടിയാണ് എല്‍ഡിഎഫ് വോട്ടര്‍മാരെ കാണുന്നത്. മികച്ച പ്രതികരണമാണ് വോട്ടര്‍മാരില്‍നിന്ന് സ്ഥാനാര്‍ഥികള്‍ക്ക് ലഭിച്ചത്. ഇത് വോട്ടാകുമെന്ന പ്രതീക്ഷയിലാണ് സ്ഥാനാര്‍ഥികള്‍.


വള്ളിക്കുന്ന് പഞ്ചായത്ത് പരുത്തിക്കാട് ഒമ്പതാം വാര്‍ഡിലാണ് തെരഞ്ഞെടുപ്പ്. സിപിഐ എമ്മിലെ പി എം രാധാകൃഷ്ണനാണ് എല്‍ഡിഎഫ് സ്ഥാനാര്‍ഥി. മേലയില്‍ വിജയന്‍ യുഡിഎഫ് സ്ഥാനാര്‍ഥിയും ലതീഷ് ചുങ്കപള്ളി ബിജെപി സ്ഥാനാര്‍ഥിയുമാണ്. യുഡിഎഫ് അംഗമായിരുന്ന വിനോദ്കുമാര്‍ രാജിവച്ച ഒഴിവിലാണ് തെരഞ്ഞെടുപ്പ്. നിലവില്‍ പഞ്ചായത്ത് ഭരിക്കുന്നത് എല്‍ഡിഎഫാണ്. 23 അംഗ ഭരണ സമിതിയില്‍ എല്‍ഡിഎഫിന് 14 അംഗങ്ങളും യുഡിഎഫിന് ഒമ്പത് അംഗങ്ങളുമാണുള്ളത്.


ആലങ്കോട് പഞ്ചായത്തിലെ ഏഴാം-നമ്പര്‍ ( ഉദിനുപറമ്പ്) വാര്‍ഡിലേക്ക് നടക്കുന്ന ഉപതെരഞ്ഞെടുപ്പില്‍ സിപിഐ എമ്മിലെ കെ സി ജയന്തിയാണ് എല്‍ഡിഎഫ് സ്ഥാനാര്‍ഥി. നേരത്തെ വാര്‍ഡിനെ പ്രതിനിധീകരിച്ച എല്‍ഡിഎഫ് അംഗവും പഞ്ചായത്ത് പ്രസിഡന്റുമായിരുന്ന എ പി പുരുഷോത്തമന്റെ നിര്യാണത്തെ തുടര്‍ന്നാണ് ഉപതെരഞ്ഞെടുപ്പ്.


കണ്ണമംഗലം പഞ്ചായത്തില്‍ 19–ാം വാര്‍ഡില്‍ (വാളക്കുട)നടക്കുന്ന ഉപതെരഞ്ഞെടുപ്പില്‍ സ്വതന്ത്ര സ്ഥാനാര്‍ഥി കെ ടി മുഹമ്മദ് ജുനൈദിനെയാണ് എല്‍ഡിഎഫ് പിന്തുണക്കുന്നത്. സി കെ അഹമ്മദാണ് യുഡിഎഫ് സ്ഥാനാര്‍ഥി. യുഡിഎഫ് പ്രതിനിധി നിര്യാതനായതോടെയാണ് ഉപതെരഞ്ഞെടുപ്പ് വേണ്ടിവന്നത്.

spot_img

Related news

പുഴയിൽ കുളിക്കാൻ ഇറങ്ങിയ സഹോദരിമാർ മുങ്ങി മരിച്ചു

മലപ്പുറം വേങ്ങരയിൽ പുഴയിൽ കുളിക്കാൻ ഇറങ്ങിയ സഹോദരിമാർ മുങ്ങി മരിച്ചു വേങ്ങര കോട്ടുമല...

ഫേസ് വളാഞ്ചേരി യുഎഇ ഫോറം റമദാനിൽ സ്വരൂപിച്ച തുക വളാഞ്ചേരി ശിഹാബ് തങ്ങൾ ഡയാലിസിസ് സെന്ററിന്‌ കൈമാറി

വളാഞ്ചേരിയിൽ പ്രവർത്തിച്ചു കൊണ്ടരിക്കുന്ന ശിഹാബ് തങ്ങൾ ഡയാലിസിസ് സെന്ററിനറിന്റെ പ്രവർത്തനങ്ങളിൽ ഒരിക്കൽക്കൂടി...

ലോക ജലദിനത്തില്‍ മലപ്പുറം വളാഞ്ചേരി നഗരസഭയില്‍ കുടിവെള്ള വിതരണം ആരംഭിച്ചു

2023-24 വാര്‍ഷിക പദ്ധതിയില്‍ ഉള്‍പെടുത്തിയാണ് 20 ലക്ഷം രൂപ വകയിരുത്തിയാണ് കുടിവെള്ളം...

പുതുതായി അനുവദിച്ച മംഗളൂരു – രാമേശ്വരം ട്രെയിനിന് മലപ്പുറം ജില്ലയിൽ സ്റ്റോപ്പില്ല

റെയില്‍വേ പുതുതായി പ്രഖ്യാപിച്ച പ്രതിവാര മംഗളൂരു - രാമേശ്വരം ട്രെയിനിന് മലപ്പുറം...

സ്കൂൾ ബസും സ്കൂട്ടറും കൂട്ടിയിടിച്ച് പി എസ് എം ഒ കോളേജ് വിദ്യാർത്ഥി മരിച്ചു

തിരൂരങ്ങാടി ചന്തപ്പടിയിൽ സ്ക്കൂൾ ബസ്സും ബൈക്കും തമ്മിൽ കൂട്ടിയിടിച്ചുണ്ടായ അപകടത്തിൽ ഗുരുതര...