പത്തനംതിട്ട
ട്രാന്സ്പോര്ട്ട് കമ്മീഷണര് എഡിജിപി എസ് ശ്രീജിത്തിന്റെ ഔദ്യോഗിക വാഹനമിടിച്ച് പരിക്കേറ്റ ചികിത്സയിലായിരുന്നയാള് മരിച്ചു. പറന്തല് പറപ്പെട്ടി മുല്ലശ്ശേരി വീട്ടില് പത്മകുമാര് (48) ആണ് മരിച്ചത്. കഴിഞ്ഞ വ്യാഴാഴ്ച രാത്രി ഏഴരയോടെയായിരുന്നു അപകടം.
എംസി റോഡില് പന്തളത്തിനും ആടൂരിനും ഇടയില് പറന്തല് ജംക്ഷനു സമീപത്ത് വച്ചായിരുന്നു അപകടം. റോഡ് മുറിച്ചു കടക്കുന്നതിനിടെയാണ് വാഹനം വന്ന് ഇടിക്കുന്നത്. പരിക്കേറ്റ പത്മകുമാര് ആദ്യം അടൂര് ഗവ ആശുപത്രിയിലും പിന്നീട് കോട്ടയം മെഡിക്കല് കോളേജിലും ചികിത്സ തേടിയിരുന്നു. അവിടെ ചികിത്സയിലിരിക്കെ ഇന്ന് രാവിലെയാണ് മരിച്ചത്.
