കാസര്ഗോഡ് കള്വേര്ട്ട് നിര്മ്മാണത്തിനായി കുഴിച്ച കുഴിയില് വീണ് യുവാവ് മരിച്ചു.കാഞ്ഞങ്ങാട് അലാമിപ്പള്ളിയിലാണ് സംഭവം. കൊവ്വല്പ്പള്ളി കലയറ സ്വദേശി നിതീഷ് ആണ് മരിച്ചത്. കുഴിയിലെ മഴ വെള്ളത്തില് കമഴ്ന്ന് കിടക്കുന്ന നിലയിലായിരുന്നു മൃതദേഹം.സമീപത്തെ ബാര് ജീവനക്കാരനാണ് മരിച്ച നിതീഷ്.
കെ എസ് ടി പി പാതയില് കാഞ്ഞങ്ങാട് അലാമി പള്ളിക്ക് സമീപം കലുങ്കിനായി എടുത്ത കുഴിയിലാണ് യുവാവിന്റെ മൃതദേഹം കണ്ടെത്തിയത്. ഇന്ന് പുലര്ച്ചയാണ് കലുങ്കിനായി എടുത്ത കുഴിയിലെ വെള്ള കെട്ടില് മലര്ന്ന കിടക്കുന്ന നിലയില് നിധിഷിന്റെ മൃതദേഹം കണ്ടെത്തിയത്.
ഒടയംചാല് സ്വദേശിയായ നിധീഷ് വര്ഷങ്ങളായി കൊവ്വല് പള്ളിക്ക് സമീപം കലയറയിലാണ് താമസം. ജോലി കഴിഞ്ഞ് വീട്ടിലേക്ക് പോകുന്ന വഴിഏതെങ്കിലും വാഹനങ്ങള് തട്ടിയാകാം അപകടം എന്നാണ് പ്രാഥമിക നിഗമനം. അപകട വിവരമറിഞ്ഞ് നിരവധി പേരാണ് സംഭവസ്ഥലത്ത് എത്തിയത്.
ഹോസ്ദുര്ഗ്പോലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കി. അപകടാവസ്ഥയിലായ കലുങ്കിന്റെ നിര്മ്മാണം കഴിഞ്ഞ ദിവസമാണ് തുടങ്ങിയത്. നേരത്തെ നിരവധി വാഹനങ്ങള് ഇവിടെ അപകടത്തില്പെട്ടിട്ടുണ്ട്.
