ന്യൂഡല്‍ഹി: രാജ്യത്തിന്റെ വിവിധ ഭാഗങ്ങളില്‍ ഇന്ന് ഭാഗീക സൂര്യഗ്രഹണം ദൃശ്യമാകും. ഈ വര്‍ഷത്തെ അവസാനത്തെ ഭാഗീക സൂര്യഗ്രഹണമാണിത്. വൈകീട്ട് 4.29 മുതലാണ് സൂര്യഗ്രഹണം ദൃശ്യമാകുക. വടക്കുകിഴക്കല്‍ മേഖലകളിലെ ചില സംസ്ഥാനങ്ങളൊഴികെ ഇന്ത്യയിലെ മിക്ക ഭാഗങ്ങളിലും സൂര്യഗ്രഹണം ദൃശ്യമാകും. ഭാഗീക സൂര്യഗ്രഹണം ഇന്ത്യയില്‍ ഒരു മണിക്കൂര്‍ 45 മിനിറ്റ് നീണ്ടുനില്‍ക്കും.
കേരളത്തില്‍ 10 ശതമാനത്തില്‍ താഴെ മാത്രമേ സൂര്യബിംബം മറക്കപ്പെടുകയുള്ളു. 5.52നാണ് കേരളത്തില്‍ ഗ്രഹണം കാണാനാവുക. കോഴിക്കോട് 7.5 ശതമാനവും തിരുവന്തപുരത്ത് 2.7 ശതമാനവും ഗ്രഹണം ദൃശ്യമാകും. 2027 ആഗസ്റ്റ് രണ്ടിനാണ് ഇന്ത്യയില്‍ അടുത്ത സൂര്യഗ്രഹണം ദൃശ്യമാകുക.
