പുള്ളിമാൻ കുറുകെ ചാടി; ബൈക്ക് നിയന്ത്രണം വിട്ട് മറിഞ്ഞ് യുവാവിന് ദാരുണാന്ത്യം

കൽപറ്റ: പുള്ളിമാൻ കുറുകെ ചാടിയതിന് പിന്നാലെ നിയന്ത്രണം വിട്ട ബൈക്ക് മറിഞ്ഞ് യുവാവ് മരിച്ചു. വയനാട് കാട്ടിക്കുളം ഇരുമ്പുപാലത്ത് തിങ്കളാഴ്ച പുലർച്ചെ മൂന്ന് മണിയോടെയാണ് സംഭവം. രണ്ടാം ഗേറ്റിലെ കാട്ടുനായ്ക്ക ഉന്നതിയിലെ തരുൺ (20) ആണ് മരിച്ചത്. ബൈക്കിൽ കൂടെ ഉണ്ടായിരുന്ന സുഹൃത്തിനും പരുക്കേറ്റു. തലയ്ക്ക് പരുക്കേറ്റ കാട്ടിക്കുളം സ്വദേശി കമൽ വയനാട് മെഡിക്കൽ കോളേജ് ആശുപത്രിയിൽ ചികിത്സയിലാണ്.