കളിച്ചുചിരിച്ചു നടന്ന അബാൻ ഇനിയില്ല; തിരൂരിൽ അഞ്ചു വയസ്സുകാരന്റെ മരണം വിശ്വസിക്കാനാവാതെ നാട്

തിരൂർ: നടുവിലങ്ങാടിയിൽ അഞ്ചു വയസ്സുകാരൻ കുഴഞ്ഞുവീണു മരിച്ചു. നടുവിലങ്ങാടി കെ.പി മുഹമ്മദ് സ്മാരക റോഡിൽ താമസിക്കുന്ന കൊടവത്തു വളപ്പിൽ ഷഹദാദ് മുഹമ്മദിന്റെ മകൻ അബാൻ (5) ആണ് മരിച്ചത്. തിരൂർ ഫാത്തിമ മാതാ സ്കൂളിലെ യു.കെ.ജി വിദ്യാർത്ഥിയാണ് അബാൻ. കൊടവത്തു വളപ്പിൽ മുഹമ്മദിന്റെ പേരക്കുട്ടിയാണ്.

കുടുംബം: മാതാവ്: ജെഷ്മ റഹ്മാൻ (പുതിയങ്ങാടി), സഹോദരങ്ങൾ: ആമിന, ബിലാൽ.

മൃതദേഹം നിലവിൽ നടുവിലങ്ങാടിയിലെ വസതിയിൽ പൊതുദർശനത്തിന് വെച്ചിരിക്കുകയാണ്. ഒരു നാടിനെ മുഴുവൻ കണ്ണീരിലാഴ്ത്തിയ വാർത്തയുടെ നടുക്കത്തിലാണ് പ്രദേശവാസികളും സ്കൂൾ അധികൃതരും. മയ്യത്ത് നമസ്കാരം ഇന്ന് (തിങ്കൾ) ഉച്ചയ്ക്ക് ശേഷം മൂന്ന് മണിക്ക് നടുവിലങ്ങാടി ജുമുഅ മസ്ജിദ് ഖബർസ്ഥാനിൽ നടക്കും.