പരപ്പനങ്ങാടി
പതിനൊന്നുകാരിയെ ലൈംഗികമായി പീഡിപ്പിച്ച കേസില്‍ ആനങ്ങാടി തറോല്‍ മഹേഷിന് (42) 43 വര്‍ഷം കഠിന തടവും 2,50,000 രൂപ പിഴയും വിധിച്ചു. പിഴ അടച്ചില്ലെങ്കില്‍ 5 വര്‍ഷം കഠിന തടവിനും പരപ്പനങ്ങാടി ഫാസ്റ്റ് ട്രാക്ക് കോടതി ജഡ്ജി എ.ഫാത്തിമാ ബീവി ശിക്ഷ വിധിച്ചു.പ്രതിയെ തവനൂര്‍ ജയിലിലേക്കു മാറ്റി. 2017ല്‍ ആണു കേസിനാസ്പദമായ സംഭവം. പ്രോസിക്യൂഷന്‍ 20 സാക്ഷികളെ വിസ്തരിച്ചു. പ്രോസിക്യൂഷനു വേണ്ടി സ്‌പെഷല്‍ പബ്ലിക് പ്രോസിക്യൂട്ടര്‍ ഷമ മാലിക് ഹാജരായി.
