ന്യൂഡല്‍ഹി: റിസര്‍വ് ബാങ്ക് ഓഫ് ഇന്ത്യയുടെ അവധി ദിനങ്ങളുടെ ലിസ്റ്റ് അനുസരിച്ച് ഒക്ടോബറില്‍ 21ഓളം അവധി ദിനങ്ങളുണ്ട്. എന്നാല്‍ ചില തീയതികളില്‍ ചില സ്ഥലങ്ങളിലെ ബാങ്കുകള്‍ക്ക് മാത്രമാണ് അവധിയുള്ളത്. എല്ലാ അവധി ദിനങ്ങളും എല്ലാ ബാങ്കുകള്‍ക്കും ബാധകമല്ല.
വിവിധ സംസ്ഥാനങ്ങളില്‍ വിവിധ ആഘോഷങ്ങള്‍ വരുന്നതുകൊണ്ടാണ് ഈ മാസം ഇത്രയധികം അവധി വരുന്നത്. എന്നാല്‍ ഈ അവധി ദിനങ്ങളെല്ലാം കേരളത്തിന് ബാധകമായിരിക്കില്ല. നവരാത്രി, ദുര്‍ഗാ പൂജ, ഗാന്ധി ജയന്തി, ദസറ, ദിവാലി തുടങ്ങിയ അവധികള്‍ ഈ മാസം വരുന്നുണ്ട്.
ആര്‍ബിഐയുടെ നിര്‍ബന്ധിത അവധി ദിവസങ്ങളുടെ പട്ടിക ‘നെഗോഷ്യബിള്‍ ഇന്‍സ്ട്രുമെന്റ് ആക്ട്, റിയല്‍ ടൈം ഗ്രോസ് സെറ്റില്‍മെന്റ് ഹോളിഡേ’ എന്നീ വിഭാഗങ്ങളായി തരംതിരിച്ചിരിക്കുന്നു. ഒക്ടോബര്‍ മാസത്തെ അവധി ദിവസങ്ങള്‍ കൂടുതലും ‘നെഗോഷ്യബിള്‍ ഇന്‍സ്ട്രുമെന്റ് ആക്ട്’ എന്ന വിഭാഗത്തിന് കീഴിലാണ് വരുന്നത്.
