മലപ്പുറം:മലയാള സർവകലാശാലയിൽ ആരംഭിക്കുന്ന അറബി മലയാളം പഠനകേന്ദ്രത്തിന് പാണക്കാട് ഹൈദരലി ശിഹാബ് തങ്ങളുടെ പേര് നൽകുന്നത് പരിഗണിക്കുമെന്ന് വൈസ് ചാൻസലർ അനിൽ വള്ളത്തോൾ. ശിഹാബ് തങ്ങൾ പഠനഗവേഷണകേന്ദ്രം ഹൈദരലി തങ്ങൾ സ്മൃതി ഉദ്ഘാടനം ചെയ്തു സംസാരിക്കുകയായിരുന്നു. പാണക്കാട് കുടുംബം നിലകൊണ്ട വിശുദ്ധമായ ആദർശങ്ങളെകുറിച്ചുള്ള അറിവ് കൂടുതൽ ജനങ്ങളിലേക്കെത്തിക്കണം. അധികാരപദവികളൊന്നും വഹിക്കാതിരുന്നിട്ടും ജനം അവർക്ക് നൽകുന്ന ബഹുമാനം നിരപാടുകൾക്കുള്ള ആദരമാണെന്ന് അനിൽ വള്ളത്തോൾ പറഞ്ഞു.
