നാസ്കോം തലപ്പത്ത് ഇനി രണ്ടു മലയാളികള്. സാപ് ലാപ്സ് എംഡിയും മലയാളിയുമായ സിന്ധുഗംഗാധരനെ നാസ്കോം ചെയര്പേഴ്സണായും രാജേഷ് നമ്പ്യാരെ പ്രസിഡന്റായും തിരഞ്ഞെടുത്തു. കൊഗ്നിസെന്റ് മുന് സി.എം.ഡി.യും നാസ്കോം പ്രസിഡന്റ് സ്ഥാനത്തേക്ക് നാമ നിര്ദ്ദേശം ചെയ്യപ്പെട്ട രാജേഷ് നമ്പ്യാരില് നിന്നും സിന്ധു ഗംഗാധരന് ചുമതല ഏറ്റെടുക്കും. സീമെന്സ് ഇന്ത്യ, ടൈറ്റാന് എന്നിവയുടെ ബോര്ഡ് മെമ്പറും ഇന്തോ ജര്മന് ചേംബര് ഓഫ് കൊമേഴ്സ് സ്റ്റിയറിങ് കമ്മിറ്റി അംഗവുമാണ് സിന്ധു ഗംഗാധരന്.
ടെക്നോളജി ഹ്യൂമനിസ്റ്റായി പരക്കെ അംഗീകരിക്കപ്പെട്ട സിന്ധു ഇന്ന് സാങ്കേതികവിദ്യയിലെ മുന്നിര ശബ്ദങ്ങളില് ഒന്നാണ്. ആഗോളതലത്തില് SAP യുടെ ഏറ്റവും വലിയ ഗവേഷണ-വികസന കേന്ദ്രമായ SAP ലാബ്സ് ഇന്ത്യയെ നയിക്കുന്ന ആദ്യ വനിത എന്ന നിലയില്, ബാംഗ്ലൂര്, ഗുഡ്ഗാവ്, പൂനെ, ഹൈദരാബാദ്, മുംബൈ എന്നീ അഞ്ച് കേന്ദ്രങ്ങളിലെയും ഉല്പ്പന്ന വികസനത്തിന്റെയും നവീകരണത്തിന്റെയും മേല്നോട്ടം വഹിക്കുന്നതിന്റെ ഉത്തരവാദിത്തം സിന്ധുവിനാണ്.
