22 യുട്യൂബ് ചാനലുകള്‍ കൂടി ബ്ലോക്ക് ചെയ്തു കേന്ദ്രസര്‍ക്കാര്‍

22 യുട്യൂബ് ചാനലുകള്‍ കൂടി കേന്ദ്രസര്‍ക്കാര്‍ ബ്ലോക്ക് ചെയ്തു. ദേശീയ സുരക്ഷയും രാജ്യത്തിന്റെ വിദേശബന്ധങ്ങളെയും കുറിച്ച് തെറ്റായ വിവരം പ്രചരിപ്പിക്കുന്നുവെന്ന് ചൂണ്ടിക്കാട്ടിയാണ് നടപടി. ബ്ലോക്ക് ചെയ്തവയില്‍ 18 എണ്ണം ഇന്ത്യന്‍ യുട്യൂബ് ചാനലുകളും നാലെണ്ണം പാകിസ്താനില്‍ നിന്നുള്ളവയുമാണ്.

ടെലിവിഷന്‍ ചാനലുകളുടെ ലോഗോ പതിച്ചും വ്യാജ തമ്പ് നെയിലുകള്‍ നല്‍കിയും കാഴ്ചക്കാരെ തെറ്റിദ്ധരിപ്പിക്കുകയായിരുന്നു ബ്ലോക്ക് ചെയ്യപ്പെട്ട ചാനലുകളെന്ന് ഇന്‍ഫര്‍മേഷന്‍ ആന്റ് ബ്രോഡ്കാസ്റ്റിങ് മന്ത്രാലയം വാര്‍ത്താകുറിപ്പില്‍ അറിയിച്ചു. 2021ല്‍ കൊണ്ടുവന്ന ഐടി നിയമപ്രകാരമാണ് മന്ത്രാലയത്തിന്റെ നടപടി.

മൂന്ന് ട്വിറ്റര്‍ അക്കൗണ്ടുകള്‍ ഒരു ഫേസ്ബുക്ക് അക്കൗണ്ട്, ഒരു വാര്‍ത്താ വെബ്‌സൈറ്റ് എന്നിവയ്ക്കും കേന്ദ്രം വിലക്കേര്‍പ്പെടുത്തിയിട്ടുണ്ട്. ബ്ലോക്ക് ചെയ്യപ്പെട്ട യുട്യൂബ് ചാനലുകള്‍ക്കെല്ലാം കൂടി 2.60 കോടി കാഴ്ചക്കാരുണ്ടായിരുന്നുവെന്നും മന്ത്രാലയം പറയുന്നു. 2021 ഡിസംബര്‍ മുതല്‍ ഇതുവരെ 78 യുട്യൂബ് ചാനലുകളും നിരവധി സാമൂഹിക മാധ്യമ അക്കൗണ്ടുകളും കേന്ദ്രസര്‍ക്കാര്‍ വിലക്കിയിട്ടുണ്ട്.

spot_img

Related news

വയനാട് പുനരധിവാസത്തിന് 529.50 കോടി അനുവദിച്ച് കേന്ദ്രം

വയനാട് പുനരധിവാസത്തിന് 529.50 കോടി സഹായം അനുവദിച്ച് കേന്ദ്രം. വായ്പയായാണ് 529.50...

വീട്ടിലെ ഇരുമ്പ് ഗേറ്റ് വീണ് ഏഴുവയസ്സുകാരിക്ക് ദാരുണാന്ത്യം

ഗേറ്റ് വീണ് ഏഴുവയസ്സുകാരിക്ക് ദാരുണാന്ത്യം. ചെന്നൈ നങ്കനല്ലൂരിലാണ് സംഭവം. മരിച്ചത് രണ്ടാം...

പുല്‍വാമ ഭീകരാക്രമണത്തിന് ഇന്ന് 6 വയസ്; ധീര സൈനികര്‍ക്ക് ആദരമര്‍പ്പിച്ച് രാജ്യം

കശ്മീരിലെ പുല്‍വാമ ഭീകരാക്രമണത്തിന് ഇന്ന് 6 വയസ്. മലയാളി സൈനികന്‍ വി...

അമ്മ ഫോണ്‍ ഉപയോഗം വിലക്കി; ഇരുപതാംനിലയില്‍ നിന്നും ചാടി പതിനഞ്ചുകാരി ജീവനൊടുക്കി

ബാംഗ്ലൂര്‍: മൊബൈല്‍ ഫോണ്‍ ഉപയോഗം വീട്ടുകാര്‍ വിലക്കിയതില്‍ മനം നൊന്ത് 15...

രാജ്യവിരുദ്ധ പ്രസ്താവന നടത്തിയെന്ന് ആരോപണം; ലോക്സഭാ പ്രതിപക്ഷ നേതാവ് രാഹുല്‍ ഗാന്ധിക്കെതിരെ വീണ്ടും കേസ്

രാജ്യവിരുദ്ധ പ്രസ്താവന നടത്തിയെന്ന് ആരോപിച്ച് ലോക്സഭാ പ്രതിപക്ഷ നേതാവ് രാഹുല്‍ ഗാന്ധിയക്കെതിരെ...