പാലക്കാട്: മുതിര്ന്ന സിപിഐ എം നേതാവും മുന് മന്ത്രിയുമായിരുന്ന ടി ശിവദാസമേനോന് അന്തരിച്ചു. 90 വയസായിരുന്നു. വാര്ധക്യ സഹജമായ അസുഖങ്ങളെ തുടര്ന്ന് കോഴിക്കോട് മിംസ് ആശുപത്രിയില് ചികിത്സയിലായിരുന്നു. രാവിലെ 11.30ഓടെയാണ് അന്ത്യം. സിപിഐ എം സംസ്ഥാന കമ്മിറ്റി, സെക്രട്ടറിയറ്റ് ,ജില്ലാ സെക്രട്ടറി എന്നീനിലകളില് പ്രവര്ത്തിച്ചിരുന്നു. 1987ല് ഇ കെ നായനാര് മന്ത്രിസഭയില് വൈദ്യുതി ഗ്രാമവികസന മന്ത്രിയായും 96 ല് ധനമന്ത്രിയായും പ്രവര്ത്തിച്ചു. രണ്ട് തവണയും മലമ്പുഴ മണ്ഡലത്തില് നിന്നാണ് തെരഞ്ഞെടുക്കപ്പെട്ടത്. പ്രതിപക്ഷ ഡെപ്യൂട്ടിചീഫ് വിപ്പ് എന്നീ നിലയിലും ഭരണവൈദഗ്ധ്യം തെളിയിച്ചു.