പിഎഫ്ഐ നിരോധിച്ചെങ്കിലും രാഷ്ട്രീയ സംഘടനയായ എസ്ഡിപിഐയ്ക്ക് പ്രവര്ത്തനം തുടരാം. എസ്ഡിപിഐ ഭാരവാഹികളില് അധികവും പിഎഫ്ഐ നേതാക്കള് ആയിരുന്നവര്. രാഷ്ട്രീയപാര്ട്ടികളെ നിരോധിക്കുന്നതിനുള്ള നിയമപരമായ നൂലാമാലകളാണ് എസ്ഡിപിഐക്ക് തുണയായത്. നിരോധിക്കപ്പെട്ട പോപ്പുലര് ഫ്രണ്ടിന്റെ ആശയം നിലനിര്ത്താന് എസ്ഡിപിഐക്ക് കഴിയുമെന്ന് മാത്രമല്ല ആര്എസ്എസ് അടക്കമുള്ള എതിരാളികളുമായുള്ള സംഘര്ഷവും അവര് തുടര്ന്നേക്കും. മുസ്ലിം പിന്നോക്ക ഐക്യമെന്ന മുഖംമൂടിയാണ് എസ്ഡിപിഐക്ക് സ്വീകാര്യത നല്കിയത്. വര്ഗീയതയില്ലെന്ന് ബോധ്യപ്പെടുത്താനാകും ശ്രമം.
അതേസമയം നിരോധനത്തിന് പിന്നാലെ പോപുലര് ഫ്രണ്ട് ഓഫ് ഇന്ത്യ പിരിച്ചുവിട്ടതായി സംസ്ഥാന ജനറല് സെക്രട്ടറി എ അബ്ദുല് സത്താര് അറിയിച്ചു. രാജ്യത്തിന്റെ നിയമം അനുസരിക്കുന്ന പൗരന്മാര് എന്ന നിലയില് സംഘടനം ആഭ്യന്തര മന്ത്രാലയത്തിന്റെ തീരുമാനം അംഗീകരിക്കുന്നതായിരും അബ്ദുല് സത്താര് പ്രസ്താവനയിലൂടെ അറിയിച്ചു.