കരിപ്പൂര്‍ എയര്‍പോര്‍ട്ടില്‍ ജ്യൂസറിനുള്ളില്‍ കോയിലിന്റെ രൂപത്തില്‍ സ്വര്‍ണം, പിടിച്ചെടുത്ത് പൊലീസ്

ജ്യൂസര്‍ മെഷീനിന്റെ മോട്ടോറിനകത്ത് ആര്‍മേച്ചറില്‍ രഹസ്യ അറയുണ്ടാക്കി സ്വര്‍ണ്ണം ഉരുക്കി ഒഴിച്ച് ഇരുമ്പിന്റെ ഷിറ്റ് വെച്ച് അടച്ച് വെല്‍ഡ് ചെയ്ത് ഭദ്രമാക്കിയ രൂപത്തിലാണ് സ്വര്‍ണ്ണം. സ്വര്‍ണം കടത്താന്‍ ശ്രമിച്ച കേസില്‍ മൂന്ന് പേര്‍ അറസ്റ്റില്‍.വാണിയമ്പലം സ്വദേശി നൗഫല്‍,കരുവാങ്കല്ല് സ്വദേശി ഷംസുദ്ദീന്‍,കരുവാരക്കുണ്ട് സ്വദേശി ഫിറോസ്, എന്നിവരാണ് പിടിയിലായത്. ഇവരില്‍ നിന്ന് ഒരു കിലോ സ്വര്‍ണമാണ് പൊലീസ് പിടിച്ചെടുത്തത്.കരിപ്പൂര്‍ വിമാനത്താവളത്തിന് സമീപമാണ് സംഭവം. ജ്യൂസര്‍ യന്ത്രത്തിനുള്ളില്‍ കോയിലിന്റെ രൂപത്തിലും മറ്റും ഒളിപ്പിച്ച് സ്വര്‍ണം കടത്താന്‍ ശ്രമിച്ച സംഘത്തെയാണ് പൊലീസ് പിടികൂടിയത്. കരിപ്പൂര്‍ വിമാനത്താവളത്തില്‍ കസ്റ്റംസിനെ വെട്ടിച്ച് പരിശോധന പൂര്‍ത്തിയാക്കി അതി വിദഗ്ധമായി സ്വര്‍ണം പുറത്തേയ്ക്ക് കടത്തിയ സംഘത്തെ ടെര്‍മിനലിന് പുറത്ത് കാത്തുനിന്ന പൊലീസ് വലയിലാക്കുകയായിരുന്നു.ജില്ലാ പൊലീസ് മേധാവിയുടെ നേതൃത്വത്തില്‍ സ്വര്‍ണക്കടത്ത് സംഘത്തെ പിടികൂടാന്‍ രൂപീകരിച്ച സംഘമാണ് സ്വര്‍ണം പിടികൂടിയത്. ഇതില്‍ ഫിറോസ് ആണ് ക്യാരിയര്‍. മറ്റുള്ളവര്‍ ടെര്‍മിനലിന് പുറത്ത് ഫിറോസിനായി കാത്തുനിന്നവരാണ്.വണ്ടൂര്‍ കേന്ദ്രീകരിച്ച് പ്രവര്‍ത്തിക്കുന്ന പുതിയ സ്വര്‍ണക്കടത്ത് സംഘമാണ് ഇതിന് പിന്നില്‍ പ്രവര്‍ത്തിച്ചത് എന്നാണ് പൊലീസിന്റെ പ്രാഥമിക നിഗമനം. ഈ സംഘത്തെ പൂര്‍ണമായി കുടുക്കാനുള്ള ശ്രമം പൊലീസ് ആരംഭിച്ചിട്ടുണ്ട്.

spot_img

Related news

കനത്ത മഴയിൽ വീട് തകർന്നു വീണ് അമ്മയും മകനും മരിച്ചു

പാലക്കാട്: വടക്കഞ്ചേരിയിൽ കനത്ത മഴയിൽ വീട് തകർന്നു വീണ് അമ്മയും മകനും...

‘ലോകഭൂപടത്തില്‍ ഇന്ത്യ സ്ഥാനം പിടിച്ചു’; വിഴിഞ്ഞത്ത് ട്രയൽ റൺ ഉദ്ഘാടനം ചെയ്ത് മുഖ്യമന്ത്രി

തിരുവനന്തപുരം: വിഴിഞ്ഞം തുറമുഖത്തിന്റെ ട്രയല്‍ റണ്‍ ഉദ്ഘാടനം കേന്ദ്രമന്ത്രി സര്‍ബാനന്ദ സോനോവാളിന്റെ...

സ്വര്‍ണവില വീണ്ടും ഉയരുന്നു

സംസ്ഥാനത്ത് സ്വര്‍ണ വില വീണ്ടും ഉയര്‍ന്നു. പവന് 520 രൂപ ഉയര്‍ന്ന്...

തന്റെ എം പി സ്ഥാനം മലബാറിലെ കമ്മ്യൂണിസ്റ്റ് പാര്‍ട്ടി പ്രവര്‍ത്തകര്‍ക്ക് കിട്ടിയ അംഗീകാരമെന്ന് പി പി സുനീര്‍

ദില്ലി: തന്റെ എം പി സ്ഥാനം മലബാറിലെ കമ്മ്യൂണിസ്റ്റ് പാര്‍ട്ടി പ്രവര്‍ത്തകര്‍ക്ക്...

യാത്രയ്ക്കിടെ ബാഗ് മോഷണം പോയി; റെയില്‍വേ യുവതിക്ക് ഒരുലക്ഷം നഷ്ടപരിഹാരം നല്‍കണം

ട്രെയിന്‍ യാത്രയ്ക്കിടെ ലഗേജ് മോഷണം പോയ സ്ത്രീക്ക് നഷ്ടപരിഹാരമായി ഒരു ലക്ഷം...