കെഎസ്ആർടിസിയുടെ ജില്ലയിലെ ആസ്ഥാനം മലപ്പുറത്ത് നിന്ന് പെരിന്തൽമണ്ണയിലേക്ക് മാറുന്നു

പെരിന്തൽമണ്ണ:കെഎസ്ആർടിസിയുടെ ജില്ലയിലെ ആസ്ഥാനം മലപ്പുറത്ത് നിന്ന് പെരിന്തൽമണ്ണയിലേ ക്ക് മാറുന്നു. ജില്ലയിലെ 4 ഡിപ്പോകളും ഉൾപ്പെടുത്തി രൂപീകരിച്ച പുതിയ ക്ലസ്റ്റർ സംവിധാനം സംബന്ധിച്ച ഉത്തരവിലാണ് ഇക്കാര്യം സൂചിപ്പിക്കുന്നത്. മലപ്പുറത്തു നിന്ന് കെഎസ്ആർടിസിയുടെ ആസ്ഥാനം മാറ്റുന്നതിൽ പ്രതിഷേധവും ഉയർന്നിട്ടുണ്ട്.

ജില്ലാതല ഓഫിസ് രീതിയിൽ ഭേദഗതി വരുത്തിയാണ് ക്ലസ്റ്റർ സംവിധാനം ഏർപ്പെടുത്തുന്നത്. ഇതു പ്രകാരം ചുമതലകൾ ക്ലസ്റ്റർ ഓഫിസർ, അസിസ്റ്റന്റ് ക്ലസ്റ്റർ ഓഫിസർ എന്നിവർക്കാണ്. നിലവിൽ തിരുവനന്തപുരം അടക്കം 5 ജില്ലകൾ ഈ രീതിയിലേക്ക് മാറിയിട്ടുണ്ട്. മറ്റ് 9 ജില്ലകളിലും ഇതേ സംവിധാനം ഏർപ്പെടുത്തുന്നതായി കാണിച്ച് 17ന് ആണ് ഉത്തരവ് ഇറക്കിയത്. ഇവയിൽ മലപ്പുറം, ഇടുക്കി ഒഴികെയുള്ള 7 ജില്ലകളിലും ജില്ലാ ആസ്ഥാനങ്ങൾ തന്നെയാണ് ക്ലസ്റ്റർ ആസ്ഥാനം. ഇടുക്കിയിൽ തൊടുപുഴയാണ് ക്ലസ്റ്റർ ആസ്ഥാനം.

അതേ സമയം പെരിന്തൽമണ്ണയിലെ ക്ലസ്റ്റർ ഓഫിസറായി മലപ്പുറം ജില്ലാ ട്രാൻസ്പോർട് ഓഫിസർ വി.എം. അബ്ദു നാസറിനെയാണ് നിയമിച്ചിട്ടുള്ളത്. അസിസ്റ്റന്റ് ക്ലസ്റ്റർ ഓഫിസർ പൊന്നാനി എടിഒ വി.ഷാജിയാണ്.

നിലമ്പൂർ ഡിപ്പോയിലെ നിലവിലെ എടിയെ എറണാകുളത്തേക്ക് അസിസ്റ്റന്റ് ക്ലസ്റ്റർ ഓഫിസറായും നിയോഗിച്ചിട്ടുണ്ട്. ജില്ലയിൽ ക്ലസ്റ്റർ സംവിധാനം എന്നു മുതൽ നടപ്പാക്കുമെന്നത് സംബന്ധിച്ച് തീരുമാനമായിട്ടില്ല. അതു വരെ ഡിപ്പോകളുടെ ഓപ്പറേഷൻ പ്രവർത്തനങ്ങളുടെ മേൽ നോട്ടം ക്ലസ്റ്റർ ഓഫിസറും അഡ്മിനിസ്ട്രേഷൻ, അക്കൗണ്ട് ചുമതലകളും സർവീസ് ഓപറേഷൻ സഹായവും അസിസ്റ്റന്റ് ക്ലസ്റ്റർ ഓഫിസർക്കും ആയിരിക്കും.

spot_img

Related news

ന്യുമോണിയ: കോട്ടക്കൽ ആട്ടീരിയിൽ പ്രഭാത ഭക്ഷണം കഴിച്ചതിനു പിന്നാലെ ക്ഷീണം വന്ന നാലു വയസ്സുകാരൻ മരിച്ചു

മലപ്പുറം: കോട്ടക്കലില്‍ പ്രഭാത ഭക്ഷണം കഴിച്ചതിനു പിന്നാലെ വായില്‍ നിന്ന് നുരയും...

പ്ലസ് വണ്‍ പ്രവേശനം: മലപ്പുറത്ത് അയ്യായിരത്തിലേറെപ്പേര്‍ പുറത്തുതന്നെ; സപ്ലിമെന്ററി അലോട്‌മെന്റ് 8,174 പേര്‍ക്ക്

മലപ്പുറം: ഹയര്‍സെക്കന്‍ഡറി ഏകജാലക പ്രവേശനത്തിന്റെ സപ്ലിമെന്ററി അലോട്‌മെന്റ് പ്രസിദ്ധീകരിച്ചപ്പോള്‍ ജില്ലയില്‍ 5,052...

തീരാതെ കടുവപ്പേടി; ദൗത്യസംഘം തിരച്ചിൽ നടത്തുമ്പോഴും പിടികൊടുക്കാതെ നരഭോജി കടുവ

കരുവാരകുണ്ട്: ദൗത്യസംഘം ഒന്നര മാസമായി തിരച്ചില്‍ നടത്തുമ്പോഴും പിടികൊടുക്കാത്ത നരഭോജിക്കടുവ പ്രദേശവാസികളില്‍...

നിലമ്പൂരിൽ മൃഗവേട്ട നടത്തിയ രണ്ട് പേർ പിടിയിൽ

മലപ്പുറം: നിലമ്പൂരില്‍ മൃഗവേട്ട നടത്തിയ രണ്ട് പേര്‍ പിടിയില്‍. മൂര്‍ക്കനാട് സ്വദേശി...

മലപ്പുറം പാങ്ങിലെ ഒരു വയസുകാരൻ്റെ മരണം; മഞ്ഞപ്പിത്തത്തെ തുടർന്ന്, പോസ്റ്റ്മോർട്ടം റിപ്പോർട്ട്

മലപ്പുറം പാങ്ങില്‍ ഒരു വയസുകാരന്‍ മരിച്ചത് മഞ്ഞപ്പിത്തം ബാധിച്ചതിനെ തുടര്‍ന്നെന്ന് പ്രാഥമിക...