ന്യൂഡല്ഹി: സംസ്ഥാനത്ത് പോപ്പുലര് ഫ്രണ്ട് നടത്തിയ ഹര്ത്താലില് റിപ്പോര്ട്ട് തേടി കേന്ദ്ര സര്ക്കാര്. കേന്ദ്ര ആഭ്യന്തര മന്ത്രാലയമാണ് കേരള സര്ക്കാരിനോട് റിപ്പോര്ട്ട് തേടിയിരിക്കുന്നത്. പോപ്പുലര് ഫ്രണ്ട് വെള്ളിയാഴ്ച നടത്തിയ ഹര്ത്താലില് വ്യാപക ആക്രമണമാണ് റിപ്പോര്ട്ട് ചെയ്തത്.
ഹര്ത്താല് ദിവസം സര്വീസ് നടത്തിയ കെഎസ്ആര്ടിസി ബസ്സുകള്ക്ക് നേരെയുണ്ടായ ആക്രമണത്തില് 45 ലക്ഷത്തില്പ്പരം രൂപയുടെ നാശനഷ്ടങ്ങള് സംഭവിച്ചതായി സര്ക്കാര് ഹൈകോടതിയെ അറിയിച്ചു. 70 കെഎസ്ആര്ടിസി ബസുകള് തകര്ത്തെന്നും സര്ക്കാര് കോടതിയെ അറിയിച്ചു.