മലപ്പുറം: നവീകരിച്ച കുളം നാടിന് സമർപ്പിച്ചത് വ്യത്യസ്തമായ ചടങ്ങിലൂടെ. പെരിന്തൽമണ്ണ തോണിക്കരയിൽ നടന്ന കുളം ഉദ്ഘാടനത്തിനാണ് ജനപ്രതിനിധികൾ വേറിട്ട രീതിയൊരുക്കിയത്.
മങ്കട എം.എൽ.എ മഞ്ഞളാംകുഴി അലിയുടെ നേതൃത്വത്തിലായിരുന്നു വ്യത്യസ്തമായ ഉദ്ഘാടനം.
ചടങ്ങിനിടെ അങ്ങാടിപ്പുറം പഞ്ചായത്ത് അംഗം ഷബീർ മാഞ്ഞാമ്പ്രയെ കുളത്തിലേക്ക് തള്ളിയിട്ടായിരുന്നു ഉദ്ഘാടനം. കുളത്തിൽ നിന്ന് കയറിയ ഷബീർ മാഞ്ഞാമ്പ്ര പിന്നീട് പെരിന്തൽമണ്ണ ബ്ലോക്ക് പഞ്ചായത്ത് പ്രസിഡന്റ് അഡ്വ. നജ്മ തബഷീറയെയും കുളത്തിലേക്ക് തള്ളിയിട്ടു.
വെറുതെ നാട മുറിച്ച് ഉദ്ഘാടനം നടത്തുന്നതിന് പകരം, കുളത്തിന്റെ ഉദ്ഘാടനച്ചടങ്ങ് തന്നെ കുളത്തിലിറങ്ങി നടത്തുകയായിരുന്നു ജനപ്രതിനിധികൾ.
ഉദ്ഘാടനത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ സംഭവം ശ്രദ്ധ നേടുകയാണ്.
