കെ.ടി ജലീലിന്റെ ഓഫീസിന് നേരെ കരി ഓയില്‍ പ്രയോഗം

എടപ്പാള്‍:കശ്മീരിനെ കുറിച്ചുള്ള കെ.ടി ജലീല്‍ എം.എല്‍.എയുടെ വിവാദ പരാമര്‍ശത്തില്‍ പ്രതിഷേധിച്ച് യുവമോര്‍ച്ച പ്രവര്‍ത്തകര്‍ അദ്ദേഹത്തിന്റെ ഓഫീസിന് നേരെ കരി ഓയില്‍ പ്രയോഗം നടത്തി. എടപ്പാളിലെ ഓഫീസിന്റെ ഷട്ടറുകളിലും ബോര്‍ഡുകളിലുമാണ് കരി ഓയില്‍ ഒഴിച്ചത്. ഷട്ടറില്‍ നോട്ടീസും ഒട്ടിച്ചിട്ടുണ്ട്.കശ്മീര്‍ സന്ദര്‍ശനത്തിനിടെയാണ് ജലീലിന്റെ വിവാദ ഫേസ്ബുക്ക് പോസ്റ്റ്. ഇതിന് പിന്നാലെയാണ് വന്‍ പ്രതിഷേധം ഉയര്‍ന്നത്.

പാകിസ്താന്‍ പിടിച്ചെടുത്ത കശ്മീര്‍ ആസാദ് കശ്മീര്‍ എന്നും ഇന്ത്യന്‍ അധീന കശ്മീര്‍ എന്നുമായിരുന്നു ജലീലിന്റെ പരാമര്‍ശം. ഇതിനെതിരെ പ്രതിപക്ഷമടക്കം രംഗത്തെതിയതോടെ ജലീല്‍ പരാമര്‍ശം ഒഴിവാക്കി.

മുന്‍മന്ത്രി എ സി മൊയ്തീന്‍ അധ്യക്ഷനായ നിയമസഭാ പ്രവാസികാര്യ സ്ഥിരം സമിതിയില്‍ അംഗമായ ജലീല്‍, സിറ്റിങ്ങിന്റെ ഭാഗമായി വിവിധ സംസ്ഥാനങ്ങള്‍ സന്ദര്‍ശിച്ചിരുന്നു. രാജസ്ഥാന്‍, പഞ്ചാബ് എന്നിവിടങ്ങളിലെ സന്ദര്‍ശനം കഴിഞ്ഞ് ശ്രീനഗറിലെത്തിയപ്പോഴാണ് വിവാദത്തിന് കാരണമായ പോസ്റ്റിട്ടത്. വിവാദമായതോടെ അദ്ദേഹം ശനിയാഴ്ച പുലര്‍ച്ചെ വീട്ടിലേക്ക് മടങ്ങുകയും ചെയ്തു. ജലീലിന്റെ പരാമര്‍ശങ്ങള്‍ അപമാനകരമെന്ന് ഗവര്‍ണര്‍ ആരിഫ് മുഹമ്മദ് ഖാനും വിമര്‍ശിച്ചിരുന്നു.

തന്റെ പോസ്റ്റിലെ ചില പരാമര്‍ശങ്ങള്‍ തെറ്റിദ്ധിക്കപ്പെട്ടെന്നും താന്‍ ഉദ്ദേശിച്ചതിന് വിരുദ്ധമായി ദുര്‍വ്യാഖ്യാനം ചെയ്യപ്പെട്ടതാണെന്നും അദ്ദേഹം പറഞ്ഞു. ജലീലിനെതിരെ രാജ്യദ്രോഹത്തിന് കേസെടുക്കണമെന്നാവശ്യപ്പെട്ട് പരാതിയുയരുകയും ചെയ്തു.

spot_img

Related news

തിരൂരില്‍ തോണി മറിഞ്ഞു കാണാതായ രണ്ടുപേരുടെ കൂടി മൃതദേഹം കണ്ടെത്തി

മലപ്പുറം : തിരൂരില്‍ തോണി മറിഞ്ഞു കാണാതായ രണ്ടുപേരുടെ കൂടി മൃതദേഹം...

എ.പി.മുഹമ്മദ് മുസ്‍ലിയാർ കാന്തപുരം അന്തരിച്ചു

പ്രമുഖ ഇസ്‍ലാം മതപണ്ഡിതനും സമസ്ത കേരള ജംഇയ്യത്തുൽ ഉലമ സെക്രട്ടറിയുമായ എ.പി.മുഹമ്മദ്...

മലയാളി യുവാവ് സൗദിയില്‍ താമസ സ്ഥലത്ത് അന്തരിച്ചു

മലയാളി യുവാവ് സൗദിയില്‍ താമസ സ്ഥലത്ത് അന്തരിച്ചു. മലപ്പുറം കൊണ്ടോട്ടി ഒളവട്ടൂര്‍...

പാണ്ടിക്കാട്  ഭർത്താവിന്റെ ആസിഡ് ആക്രമണത്തിൽ പരിക്കേറ്റ യുവതി മരിച്ചു

മലപ്പുറം : മലപ്പുറം പാണ്ടിക്കാട്  ഭർത്താവിന്റെ ആസിഡ് ആക്രമണത്തിൽ പരിക്കേറ്റ യുവതി മരിച്ചു....

വിദ്യാര്‍ത്ഥിനികള്‍ക്കെതിരെ ലൈംഗികാതിക്രമം; മലപ്പുറത്ത്‌ അധ്യാപകന്‍ അറസ്റ്റില്‍

മലപ്പുറം: വിദ്യാര്‍ത്ഥിനികള്‍ക്കെതിരെ ലൈംഗികാതിക്രമം നടത്തിയെന്ന പരാതിയില്‍ അധ്യാപകന്‍ അറസ്റ്റില്‍. മലപ്പുറം വേങ്ങര...

LEAVE A REPLY

Please enter your comment!
Please enter your name here