മഴ നനയാനും കോടമഞ്ഞിന്റെ സൗന്ദര്യവും പച്ചപ്പും ആസ്വദിക്കുവാനുമായി കൊടികുത്തി മല ഇക്കോ ടൂറിസം കേന്ദ്രത്തിലെത്തുന്നത് ആയിരങ്ങള്. ജൂണ് മാസത്തിലെ കണക്ക് പരിശോധിക്കുമ്പോള് കഴിഞ്ഞ ദിവസം വരെ നാലര ലക്ഷം രൂപയോളമാണ് വരുമാനം. ശനി, ഞായര് ദിവസങ്ങളിലാണ് സന്ദര്ശകരുടെ തിരക്ക് കൂടുതലായുള്ളത്.
രണ്ടായിരത്തിയഞ്ഞൂറോളം സഞ്ചാരികളാണ് കഴിഞ്ഞ ഞായറാഴ്ച മാത്രം എത്തിയത്. മഴ നനയുവാന് വേണ്ടി മാത്രമായി എത്തുന്നവരും ഏറെയാണ്. ജൂണ്, ജൂലൈ, ഓഗസ്റ്റ് മാസങ്ങളിലാണ് ഇവിടെ പ്രകൃതി സമ്മാനിക്കുന്ന അസുലഭ നിമിഷങ്ങള് ആസ്വദിക്കുവാനായി സന്ദര്ശകര് കൂടുതലായും എത്തുന്നത്. രാവിലെ 8 മുതല് വൈകിട്ട് 5 വരെയാണ് സന്ദര്ശക പാസ് നല്കുന്നത്. മുതിര്ന്നവര്ക്ക് 40 രൂപയും കുട്ടികള്ക്ക് 20 രൂപയുമാണ് ഫീസ്.
പ്രവേശന കവാടത്തിനോടു ചേര്ന്നുള്ള ടിക്കറ്റ് കൗണ്ടറില്നിന്ന് ഒന്നര കിലോമീറ്റര് കാല്നടയായി വേണം മുകളിലെത്താന്. തിങ്കളാഴ്ച ഒഴികെ മറ്റെല്ലാ ദിവസവും പ്രവേശനമുണ്ട്. വാച്ച് ടവറില് കയറിയാല് 360 ഡിഗ്രിയിലുള്ള കാഴ്ച കാണാന് കഴിയുന്നത് സഞ്ചാരികളെ ഏറെ ആകര്ഷിക്കുന്നു. സൂര്യോദയവും സൂര്യാസ്തമയവും കാണാന് കഴിയുന്ന രീതിയില് സമയക്രമം വര്ധിപ്പിക്കാനുള്ള ഒരുക്കത്തിലാണ് അധികൃതര്. വെളിച്ചസംവിധാനം ഒരുക്കുന്നതിനുള്ള നടപടികള് തുടങ്ങിയിട്ടുണ്ട്. ബട്ടര്ഫ്ലൈ പാര്ക്കും തുടങ്ങുന്നുണ്ട്.
