തിരുവനന്തപുരം: സ്വര്‍ണക്കടത്ത് കേസില്‍ യുഡിഎഫിന് യാതൊരു അജണ്ടയുമില്ലെന്ന് ഷാഫി പറമ്പില്‍ എംഎല്‍എ. പ്രതിപക്ഷത്തിന്റെ അടുക്കളയില്‍ വേവിച്ച വിവാദമല്ല ഇതെന്ന് ഷാഫി പറമ്പില്‍ എംഎല്‍എ അടിയന്തര പ്രമേയത്തില്‍ നോട്ടീസ് അവതരിപ്പിച്ചുകൊണ്ട് പറഞ്ഞു. എന്നാല്‍ അടിയന്തിര പ്രമേയത്തില്‍ മന്ത്രി പി രാജീവ് ക്രമ പ്രശ്‌നം ഉന്നയിച്ചു. രഹസ്യമൊഴി നല്‍കിയിട്ടുള്ള ഒരു കാര്യം സഭയില്‍ പരാമര്‍ശിക്കരുതെന്നും ഇത് തെറ്റായ കീഴ് വഴക്കവും ചട്ടലംഘനവും ആണെന്ന് പി രാജീവ് ചൂണ്ടികാട്ടി.
