ഫ്ലൈദുബായ് വിമാനത്തിന്റെ കോക്പിറ്റിൽ സഹപൈലറ്റിന്റെ അപ്രതീക്ഷിത ആക്രമണം നേരിട്ടതിന്റെ ഞെട്ടിക്കുന്ന അനുഭവം വിവരിച്ച് ഇന്ത്യൻ പൈലറ്റ് സ്മിത് മച്ഛാർ.
ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിനോടാണ് സ്മിത് മച്ഛാർ സംഭവത്തിന്റെ വിശദാംശങ്ങൾ വിവരിച്ചത്.
വിമാനം പറത്തുന്നതിനിടെ യാതൊരു പ്രകോപനവുമില്ലാതെയാണ് സഹപൈലറ്റ് തന്നെ ആക്രമിച്ചതെന്ന് മച്ഛാർ പറയുന്നു.
വിമാനം പറത്തുന്നതിനിടെ പൈലറ്റ് പ്രാർത്ഥിക്കണമെന്ന് ആവശ്യപ്പെട്ടു. സഹപൈലറ്റ് പ്രാർത്ഥിക്കുന്നതിനിടെ താനായിരുന്നു വിമാനം നിയന്ത്രിച്ചിരുന്നത്.
അതിനിടെയാണ് തലയ്ക്ക് പിന്നിൽ അപ്രതീക്ഷിതമായി അടിയേറ്റത്.
ഒന്നിലധികം തവണ സഹപൈലറ്റ് തലയ്ക്ക് പിന്നിൽ അടിച്ചു. ആദ്യത്തെ അടിയിൽ വിമാനത്തിന് എന്തോ തകരാർ സംഭവിച്ചെന്നാണ് കരുതിയത്.
പിന്നീടാണ് സഹപൈലറ്റാണ് തന്നെ ആക്രമിക്കുന്നതെന്ന് മനസ്സിലായത്.
ആക്രമണത്തിൽ കണ്ണിൽ ഇരുട്ടുകയറുകയും വിമാനം താഴേക്ക് കുതിക്കുകയും ചെയ്തതായി മച്ഛാർ പറയുന്നു.
സർവശക്തിയുമെടുത്ത് സഹപൈലറ്റിനെ നേരിടുകയായിരുന്നു പിന്നീട്. ഒരുതവണ കോക്പിറ്റ് വാതിൽ തുറക്കാൻ കഴിഞ്ഞെങ്കിലും സഹപൈലറ്റ് വീണ്ടും വാതിൽ അടച്ചു.
ക്യാബിൻ ക്രൂ കോഡ് ഉപയോഗിച്ച് വാതിൽ തുറക്കാൻ ശ്രമിച്ചെങ്കിലും സഹപൈലറ്റ് അതിനും അനുവദിച്ചില്ല.
മരണം ഉറപ്പാണെന്ന് തോന്നിയ ഘട്ടത്തിൽ അവസാനമായി ഒരിക്കൽ കൂടി പോരാടാൻ തീരുമാനിക്കുകയായിരുന്നു. ആ ശ്രമത്തിലാണ് ഒടുവിൽ കോക്പിറ്റ് വാതിൽ തുറക്കാൻ കഴിഞ്ഞതെന്നും മച്ഛാർ പറഞ്ഞു.
170-ലധികം യാത്രക്കാരുമായി പറന്നുകൊണ്ടിരുന്ന ഫ്ലൈദുബായ് വിമാനം FZ1073-ലാണ് സംഭവം നടന്നത്.
ആക്രമണത്തിൽ ഗുരുതരമായി പരുക്കേറ്റ സ്മിത് മച്ഛാർ നിലവിൽ ചികിത്സയിലാണ്.
അടിയന്തര ശസ്ത്രക്രിയയ്ക്ക് വിധേയനായ മച്ഛാറിന്റെ ആരോഗ്യനില നിരീക്ഷിച്ചുവരികയാണെന്ന് സൗദിയിലെ ഇന്ത്യൻ എംബസി അറിയിച്ചിരുന്നു.
കോക്പിറ്റിനുള്ളിൽ നടന്നത് വാക്കുതർക്കമല്ലെന്നും, യാതൊരു പ്രകോപനവുമില്ലാതെ ഉണ്ടായ അപ്രതീക്ഷിത ആക്രമണമാണെന്നും മച്ഛാറിന്റെ വെളിപ്പെടുത്തൽ വ്യക്തമാക്കുന്നു.
