പൊലീസ് ഇതുവരെ പിടികൂടിയത് 15.88 കോടി രൂപയുടെ കള്ളക്കടത്തു സ്വര്‍ണം

ജില്ലയിലെ പൊലീസ് ഈ വര്‍ഷം ഇതുവരെ പിടികൂടിയത് 15.88 കോടി രൂപയുടെ കള്ളക്കടത്തു സ്വര്‍ണവും 28.46 കോടി രൂപയുടെ ഹവാല പണവും. കോഴിക്കോട് വിമാനത്താവളം വഴി കടത്തിയ 30.75 കിലോ സ്വര്‍ണമാണ് പിടിച്ചെടുത്തത്. സ്വര്‍ണക്കടത്തു കേസില്‍ 31 കേസുകളിലായി 31 പേരെയും അവരെ സഹായിക്കാനെത്തിയ 5 പേരെയും ഒരു വാഹനവും പിടികൂടി. 48 ഹവാല കേസുകളിലായി 70 പ്രതികളെയാണു പിടികൂടിയത്.

അവര്‍ യാത്രയ്ക്കുപയോഗിച്ച 26 കാറുകള്‍, 15 ബൈക്കുകള്‍, 4 ഓട്ടോറിക്ഷകള്‍ എന്നിവയും പിടിച്ചെടുത്തിട്ടുണ്ട്. കഴിഞ്ഞ വര്‍ഷം 37.97 കോടി രൂപ വില വരുന്ന 80.11 കിലോഗ്രാം സ്വര്‍ണമാണു പിടിച്ചത്. 90 കേസുകളിലായി 94 പ്രതികള്‍, സഹായത്തിനെത്തിയ 56 പേര്‍, 30 വാഹനങ്ങള്‍ എന്നിവയും പിടികൂടിയിരുന്നു. ഹവാലയുമായി ബന്ധപ്പെട്ടു കഴിഞ്ഞ വര്‍ഷം 30.69 കോടി രൂപയാണു പിടിച്ചെടുത്തത്. 51 കേസുകളിലായി 72 പേരും 30 കാറുകളും 5 മോട്ടര്‍ സൈക്കിളുകളും 2 ഗുഡ്‌സ് വാഹനങ്ങളും പിടിച്ചെടുത്തു. 2021ല്‍ 10.78 കോടി രൂപയാണ് ആകെ പിടിച്ചെടുത്തിരുന്നത്.

ലഹരി കേസുകളില്‍ ജില്ലയില്‍ ഇതുവരെ മരവിപ്പിച്ചത് 5 പ്രതികളുടെ സ്വത്തുക്കള്‍. 10 പ്രതികളുടെ വിവരങ്ങളാണു ജില്ലാ പൊലീസ് ചെന്നൈ ആസ്ഥാനമായ കോംപിറ്റന്റ് അതോറിറ്റിക്കു സമര്‍പ്പിച്ചത്. അതേസമയം വലിയ അവളവില്‍ ലഹരിക്കച്ചവടം നടത്തിയതിനു 104 പേരെയാണു ജില്ലയില്‍നിന്നു ജയിലിലടയ്ക്കാനായി ശുപാര്‍ശ നല്‍കിയത്. ഇതു സംസ്ഥാനത്തു തന്നെ ഏറ്റവും കൂടുതലാണ്.

ലഹരി ഉപയോഗിച്ചവര്‍ക്ക് 25,000 രൂപയുടെ കോടതി ബോണ്ട് ഏറ്റവും കൂടുതല്‍ ഉറപ്പാക്കിയതും ജില്ലയില്‍ തന്നെ 1542 പേര്‍ക്ക്.ലഹരിയുമായി ബന്ധപ്പെട്ട് ഈ വര്‍ഷം ജൂലൈ വരെ 2609 കേസുകളാണു ജില്ലയില്‍ റജിസ്റ്റര്‍ ചെയ്തത് 2021ല്‍ 435 കേസുകളും 2022 ല്‍ 2829 കേസുകളുമാണുണ്ടായിരുന്നത്.

spot_img

Related news

വാഹനാപകടത്തിൽ പരിക്കേറ്റ് ചികിത്സയിലായിരുന്ന യുവ ഡോക്ടർ ഹൈറൂൺ ഷാന മരണപ്പെട്ടു

വാഹനാപകടത്തിൽ പരിക്കേറ്റ് ചികിത്സയിലായിരുന്ന മലപ്പുറം ജില്ല പുലാമന്തോൾ ചെമ്മലശ്ശേരിയിലെ വേങ്ങമണ്ണിൽ പെരിയംതടത്തിൽ...

യുവാവിനെ വീട്ടില്‍ മരിച്ച നിലയില്‍ കണ്ടെത്തി

വളാഞ്ചേരി: ആതവനാട് പാറേക്കളത്ത് യുവാവിനെ വീട്ടില്‍ മരിച്ച നിലയില്‍ കണ്ടെത്തി.ഒറുവില്‍ സൈതലവിയുടെ...

‘ലോകഭൂപടത്തില്‍ ഇന്ത്യ സ്ഥാനം പിടിച്ചു’; വിഴിഞ്ഞത്ത് ട്രയൽ റൺ ഉദ്ഘാടനം ചെയ്ത് മുഖ്യമന്ത്രി

തിരുവനന്തപുരം: വിഴിഞ്ഞം തുറമുഖത്തിന്റെ ട്രയല്‍ റണ്‍ ഉദ്ഘാടനം കേന്ദ്രമന്ത്രി സര്‍ബാനന്ദ സോനോവാളിന്റെ...

മുഅല്ലിം ഡേ യും പ്രതിഭകളെ ആദരിക്കല്‍ ചടങ്ങും നടന്നു

നരിപ്പറമ്പ്: ജീലാനി നഗര്‍ മദ് റസത്തുല്‍ ബദ്രിയ്യ ഹാളില്‍ ജീലാനി മഹല്ല്...

നിലമ്പൂരില്‍ റബ്ബര്‍ ടാപ്പിംഗ് തൊഴിലാളിക്ക് വെട്ടേറ്റു

നിലമ്പൂര്‍: മൂത്തേടത്ത് റബ്ബര്‍ ടാപ്പിംഗ് തൊഴിലാളിക്ക് വെട്ടേറ്റതായി റിപ്പോര്‍ട്ട്. കാരപ്പുറം സ്വദേശി...