തിരുവനന്തപുരം: ‘നല്ല ഭക്ഷണം നാടിന്റെ അവകാശം’ എന്ന കാമ്ബയിന്റെ ഭാഗമായി സംസ്ഥാനത്തെ ഹോട്ടലുകള്ക്ക് ഭക്ഷ്യസുരക്ഷാ വകുപ്പ് ഹൈജീന് സ്റ്റാര് സര്ട്ടിഫിക്കറ്റ് ലഭ്യമാക്കി തുടങ്ങിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. തുടക്കത്തില് 519 ഹോട്ടലുകള്ക്കാണ് ഹൈജീന് സ്റ്റാര് സര്ട്ടിഫിക്കറ്റ് നല്കിയത്. ഇതില് ഏറെയും വടക്കന് ജില്ലകളിലെ ഹോട്ടലുകള്ക്കാണ്. ഏറ്റവുമധികം ഹൈജീന് സ്റ്റാര് സര്ട്ടിഫിക്കറ്റ് കിട്ടിയ ഹോട്ടലുകള് മലപ്പുറം ജില്ലയിലാണ്. 66 ഹോട്ടലുകള്ക്കാണ് മലപ്പുറത്ത് സര്ട്ടിഫിക്കറ്റ് ലഭിച്ചത്. ഏറ്റവും കുറവ് തിരുവനന്തപുരത്താണ്. തലസ്ഥാന ജില്ലയില് വെറും അഞ്ച് ഹോട്ടലുകള്ക്ക് മാത്രമാണ് ഹൈജീന് സ്റ്റാര് സര്ട്ടിഫിക്കറ്റ് ലഭിച്ചത്.