കോഴിക്കോട്: മുസ്ലീം ലീഗ് നേതാവും മുന്‍ എംഎല്‍എയുമായ കെ.എന്‍.എ ഖാദര്‍ ആര്‍എസ്എസ് പരിപാടിയില്‍ പങ്കെടുത്ത സംഭവം പാര്‍ട്ടി നയത്തിന് എതിരാണെന്ന് എംകെ മുനീര്‍. ഉന്നതാധികാര സമിതിയുടെ അനുമതിയില്ലാതെയാണ് അദ്ദേഹം പരിപാടിയില്‍ പങ്കെടുത്തത്.
ഇക്കാര്യം പാര്‍ട്ടി ഗൗരവത്തോടെ ചര്‍ച്ച ചെയ്യും. കെഎന്‍എ ഖാദറിന്‍റെ വിശദീകരണം കൂടി കേള്‍ക്കുമെന്നും എംകെ മുനീര്‍ കോഴിക്കോട് പറഞ്ഞു.
കോഴിക്കോട് ചാലപ്പുറത്ത് കേസരി മാധ്യമ പഠന കേന്ദ്ര ക്യാമ്പസില്‍ ധ്യാനബുദ്ധ പ്രതിമയുള്‍പ്പെടുന്ന സ്നേഹബോധി അങ്കണത്തിന്‍റെ അനാച്ഛാദന ചടങ്ങിലാണ് കെഎന്‍എ ഖാദര്‍ പങ്കെടുത്തത്.
