തിരുവനന്തപുരം: ഭക്ഷണം കഴിക്കുന്നതിനിടെ ഒന്നരവയസ്സുകാരൻ ഛർദ്ദിച്ച് കുഴഞ്ഞുവീണു മരിച്ചു. നെടുമങ്ങാട് സ്വദേശിനി അഖിലയുടെ മകന് ആര്ഷിദ് ആണ് ഇന്നലെ മരണപ്പെട്ടത്. രണ്ടാനച്ഛന് ചോറ് കൊടുക്കുന്നതിനിടെ കുഞ്ഞ് പെട്ടെന്ന് ഛര്ദിക്കുകയായിരുന്നുവെന്നാണ് വിവരം. അബോധാവസ്ഥയിലായ കുഞ്ഞിനെ ഉടൻ തന്നെ തിരുവനന്തപുരം എസ്.എ.ടി ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
കുഞ്ഞിന്റെ മാതാവായ അഖില തമിഴ്നാട്ടില് ഒരു നൃത്തപരിപാടിക്ക് പോയിരിക്കുകയായിരുന്നു. ഈ സമയത്താണ് വീട്ടിൽ വെച്ച് ദാരുണമായ സംഭവം ഉണ്ടാകുന്നത്. കുഞ്ഞിന്റെ മരണത്തില് എന്തെങ്കിലും തരത്തിലുള്ള ദുരൂഹതയുണ്ടോ എന്ന കാര്യം പോലീസ് ഗൗരവമായി പരിശോധിച്ചുവരികയാണ്. സംഭവത്തിൽ നെടുമങ്ങാട് പോലീസ് അസ്വാഭാവിക മരണത്തിന് കേസെടുത്തിട്ടുണ്ട്. കുഞ്ഞിന്റെ മൃതദേഹം ഇന്ന് പോസ്റ്റ്മോര്ട്ടത്തിന് വിധേയമാക്കും. പോസ്റ്റ്മോർട്ടം റിപ്പോർട്ട് പുറത്തുവന്നതിന് ശേഷം മാത്രമേ മരണത്തിന്റെ യഥാർത്ഥ കാരണം വ്യക്തമാകൂ എന്ന് പോലീസ് അറിയിച്ചു. കേസിൽ കൂടുതൽ വ്യക്തതയ്ക്കായി രണ്ടാനച്ഛനിൽ നിന്നും ബന്ധുക്കളിൽ നിന്നും പോലീസ് മൊഴിയെടുക്കും.
