ഈ വർഷത്തെ എസ്എസ്എൽസി പരീക്ഷാ ഫലം ഇന്ന് പ്രഖ്യാപിക്കും. ഉച്ചയ്ക്ക് മൂന്ന് മണിക്ക് പൊതുവിദ്യാഭ്യാസ പ്രിൻസിപ്പൽ സെക്രട്ടറി ഷർമിള മേരി ജോസഫ് ആണ് ഫലം പ്രഖ്യാപിക്കുക. പരീക്ഷയെഴുതിയ 4.17 ലക്ഷം വിദ്യാർത്ഥികളാണ് ഫലം കാത്തിരിക്കുന്നത്.
ഉച്ചയ്ക്ക് 3 മണിക്ക് വാർത്താസമ്മേളനം ആരംഭിക്കും. തുടർന്ന് നാല് മണിയോടെ വെബ്സൈറ്റുകളിൽ ഫലം ലഭ്യമാകും. 4,17,497 വിദ്യാർത്ഥികളാണ് ഇത്തവണ പരീക്ഷ എഴുതിയത്. മൂല്യനിർണ്ണയത്തിലെ ചില മാറ്റങ്ങൾ കാരണം ഇത്തവണ എ പ്ലസ് നേടുന്നവരുടെ എണ്ണത്തിൽ നേരിയ കുറവുണ്ടാകാൻ സാധ്യതയുണ്ടെന്നാണ് സൂചന. പുതിയ വിദ്യാഭ്യാസ മന്ത്രി ചുമതലയേൽക്കുന്നതിന് മുമ്പ് തന്നെ ഫലപ്രഖ്യാപനം പൂർത്തിയാക്കാൻ കെ.പി.സി.സി നിർദ്ദേശം നൽകിയിരുന്നു.
ഫലം എവിടെ നോക്കാം?
വിദ്യാർത്ഥികൾക്ക് താഴെ പറയുന്ന വെബ്സൈറ്റുകളിലൂടെയും മൊബൈൽ ആപ്പിലൂടെയും ഫലം പരിശോധിക്കാം:
- keralaresults.nic.in
- results.kite.kerala.gov.in
- sslcexam.kerala.gov.in, സഫലം (Saphalam) മൊബൈൽ ആപ്പ് വഴിയും ഫലം അറിയാൻ സാധിക്കും.
