ന്യൂയോര്‍ക്ക്: താലിബാന്‍ ആക്രമണത്തില്‍ കൊല്ലപ്പെട്ട മാധ്യമപ്രവര്‍ത്തകന്‍ ഡാനിഷ് സിദ്ദിഖിക്ക് വീണ്ടും പുലിറ്റ്‌സര്‍ പുരസ്‌കാരം. രണ്ടാം തവണയാണ് ഡാനിഷ് പുലിറ്റ്‌സര്‍ പുരസ്‌കാര ജേതാവാകുന്നത്. ഇന്ത്യയില്‍ കോവിഡ് മരണം വ്യാപകമായ സമയത്ത് പകര്‍ത്തിയ ചിത്രങ്ങള്‍ക്കാണ് പുരസ്‌കാരം. മരണാനന്തര ബഹുമതിയായാണ് ഡാനിഷ് സിദ്ദിഖിക്ക് പുലിറ്റസര്‍ നല്‍കിയത്. അദ്ദേഹത്തോടൊപ്പം റോയിട്ടേഴ്‌സ് മാധ്യമപ്രവര്‍ത്തകരായ അദ്‌നാന്‍ അബിദി, സന്ന ഇര്‍ഷാദ് മട്ടൂ, അമിത് ദവെ എന്നിവരും സമ്മാനത്തിന് അര്‍ഹരായി.
കഴിഞ്ഞവര്‍ഷമാണ് അഫ്ഗാനില്‍ താലിബാന്‍ അധിനിവേശം റിപ്പോര്‍ട്ട് ചെയ്യുന്നതിനിടെ ഡാനിഷ് സിദ്ദിഖി കൊല്ലപ്പെടുന്നത്. ഇന്ത്യ ആസ്ഥാനമായുള്ള റോയിട്ടേഴ്‌സിന്റെ ചീഫ് ഫോട്ടോഗ്രാഫറായിരുന്നു ഡാനിഷ് സിദ്ദിഖി.
