ചെന്നൈയില് പ്രായപൂര്ത്തിയാക്കാത്ത ആണ്കുട്ടിയുമായി ഒളിച്ചോടിയ അധ്യാപികയെ പോലീസ് പോക്സോ കേസില് അറസ്റ്റ് ചെയ്തു. സ്വകാര്യ സ്കൂളിലെ അധ്യാപികയായ 32 കാരി ഹെപ്സിബയാണ് അറസ്റ്റിലായത്. ഇവര് കുറച്ച് വര്ഷങ്ങള്ക്ക് മുമ്പ് ഭര്ത്താവുമായി വേര്പിരിഞ്ഞിരുന്നു. 17 കാരനായ വിദ്യാര്ത്ഥിയുമായി ഇവര് പ്രണയത്തിലായിരുന്നതായി പോലീസ് പറയുന്നു.
17 കാരനെ കാണ്മാനില്ലായെന്ന പരാതിയില്പോലീസ് നടത്തിയ അന്വേഷണത്തിലാണ് ഇവര് തമ്മില് പ്രണയത്തിലായിരുന്നതായും ഒളിച്ചോടിയതായും പോലീസുകാര്ക്കും വീട്ടുകാര്ക്കുംമനസ്സിലാകുന്നത്. രാവിലെ സ്കൂളില് പോയ കുട്ടി വൈകുന്നേരമായിട്ടും തിരിച്ചെത്താതിനെ തുടര്ന്ന് രക്ഷിതാക്കള് പോലീസില് പരാതിപ്പെടുകയായിരുന്നു. തുടര്ന്ന് പോലീസ് നടത്തിയ അന്വേഷണത്തില് അധ്യാപികയും അന്നേ ദിവസം സ്കൂളില് എത്തിയട്ടില്ലായെന്ന് കണ്ടെത്തുകയായിരുന്നു. ഇരുവരുടെ മൊബൈല് നെറ്റ്വര്ക്ക് പരിശോധിച്ച് അവിടെ എത്തിയ പോലീസ് ഇരുവരെയും കസ്റ്റഡിയിലെടുക്കുകയായിരുന്നു.
എന്നാല് ഞങ്ങള് വിനോദയാത്ര വന്നതായിരുന്നുവെന്നും നേരത്തെ പ്ലാന് ചെയ്തിരുന്നുവെന്നും മറ്റൊരു ബന്ധവും വിദ്യാര്ത്ഥിയുമായി ഇല്ലായെന്നും യുവതി പറഞ്ഞു. തുടര്ന്ന് അധ്യാപികക്കെതിരെ പോലീസ് പോക്സോ കേസെടുക്കുകയായിരുന്നു.
