നടന്‍ വിജയ്‌യുടെ തമിഴക വെട്രി കഴകത്തിന്റെ ആദ്യ സമ്മേളനം ആരംഭിച്ചു. വിഴിപുരം വികവണ്ടിയിലെ സമ്മേളന വേദിയില്‍ വിജയ് എത്തി. റാംപിലൂടെ നടന്ന് പ്രവര്‍ത്തകരെ വിജയ് അഭിവാദ്യം ചെയ്തു. ഉടന്‍ പാര്‍ട്ടി നയം പ്രഖ്യാപിക്കും. പാര്‍ട്ടിയുടെ പതാക വിജയ് ഉയര്‍ത്തി. ആവേശത്തോടെ പ്രവര്‍ത്തകര്‍ വിജയ്‌യെ സ്വീകരിച്ചു.
ചുവപ്പും മഞ്ഞയും കലര്‍ന്ന പാര്‍ട്ടി പതാക 110 അടി ഉയരമുള്ള കൊടിമരത്തില്‍ റിമോട്ട് ഉപയോഗിച്ച് വിജയ് ഉയര്‍ത്തി. 600 മീറ്ററോളമുള്ള റാംപിലൂടെ നടന്ന് പ്രവര്‍ത്തകരെ അഭിവാദ്യം ചെയ്ത ശേഷമാണ് വിജയ് വേദിയിലെത്തിയത്. അരലക്ഷം പേര്‍ക്ക് ഇരിക്കാനുള്ള കസേരകള്‍ തയാറാക്കിയിട്ടുണ്ട്. വിക്രവണ്ടിയില്‍ സമ്മേളനത്തിനായി 85 ഏക്കര്‍ മൈതാനത്ത് വിശാലമായ വേദിയും പ്രവര്‍ത്തകര്‍ക്കിരിക്കാനുള്ള സൗകര്യവും ഒരുക്കിയിട്ടുണ്ട്.
