മലപ്പുറത്തേക്ക് പോകാന്‍ വന്ദേഭാരതില്‍ വന്ന് തിരൂരില്‍ ഇറങ്ങാം; കണക്ഷന്‍ ബസുമായി കെഎസ്ആര്‍ടിസി

കേരളത്തിന്റെ രണ്ടാം വന്ദേഭാരതില്‍ വന്‍ ഹിറ്റായി മാറിയത് തിരൂര്‍ സ്‌റ്റോപ്പ് ആണ്. ആദ്യ വന്ദേ ഭാരത് വന്നപ്പോള്‍ തിരൂരില്‍ സ്‌റ്റോപ്പ് ഇല്ലായിരുന്നുവെങ്കിലും രണ്ടാമത്തേതില്‍ ലഭിച്ച സ്‌റ്റോപ്പ് തിരൂരുകാര്‍ വന്‍ ആഘോഷമാക്കി. സര്‍വീസ് തുടങ്ങിയ മുതല്‍ തിരൂരിലേക്ക് ടിക്കറ്റ് കിട്ടാനില്ലാത്ത അവസ്ഥയാണ്.

കാസര്‍കോഡ് തിരുവനന്തപുരം റൂട്ടിലും തിരുവനന്തപുരം കാസര്‍കോഡ് റൂട്ടിലും വരുന്ന ഒക്ടോബര്‍ 5 വരെ മുഴുവന്‍ ടിക്കറ്റ് വിറ്റുതീര്‍ന്നു. ബുക്ക് ചെയ്യാന്‍ ശ്രമിക്കുന്നവര്‍ക്ക് വെയിറ്റിങ് ലിസ്റ്റ് മാത്രമേ ലഭിക്കുന്നുള്ളൂ.

ഇപ്പോഴിതാ, തിരൂര്‍ വഴിയുള്ള രണ്ടാം വന്ദേ ഭാരത് എക്‌സ്പ്രസിന് കണക്ഷന്‍ സര്‍വീസായി കെഎസ്ആര്‍ടിസി മലപ്പുറം ഡിപ്പോ പുതിയ ബസ് സര്‍വീസ് ആരംഭിക്കുകയാണ്. തിരുവനന്തപുരം കാസര്‍ഗോഡ് വന്ദേ ഭാരതിന് തിരൂരില്‍ ട്രെയിനിറങ്ങുന്നവര്‍ക്കും കാസര്‍ഗോഡിനു വന്ദേഭാരത് ട്രെയിനില്‍ പോകേണ്ടവര്‍ക്കും, തിരൂരില്‍ എത്തി കോട്ടക്കല്‍, മലപ്പുറം ഭാഗങ്ങളിലേക്ക് വരേണ്ടവര്‍ക്കും, ഉപകാരമാകുന്ന തരത്തില്‍ ആണ് പുതിയ സര്‍വീസ് ആരംഭിക്കുന്നത്.

വന്ദേഭാരത് എത്തിയ ശേഷം മടങ്ങുന്ന വിധത്തില്‍ റെയില്‍വേ സ്‌റ്റേഷനില്‍നിന്നു തന്നെയാണ് സര്‍വീസ്. ഈ മാസം മൂന്നിനാണ് ആദ്യ യാത്ര. മഞ്ചേരിയില്‍നിന്ന് വൈകിട്ട് 7ന് പുറപ്പെടുന്ന ബസ് രാത്രി 8.40ന് തിരൂര്‍ സ്‌റ്റേഷനിലെത്തും. 8.52നാണ് വന്ദേഭാരത് തിരൂരിലെത്തുക. തുടര്‍ന്ന് 9 മണിക്ക് ബസ് റെയില്‍വേ സ്‌റ്റേഷനില്‍നിന്നു പുറപ്പെടും. രാത്രി 10.10ന് മലപ്പുറത്തെത്തും. തിരുവനന്തപുരത്തടക്കം പോയി മടങ്ങുന്നവര്‍ക്കും വന്ദേഭാരതില്‍ കയറി കാസര്‍ഗോഡ് ഭാഗത്തേക്ക് പോകുന്നവര്‍ക്കും ഈ ബസ് പ്രയോജനപ്പെടും.

തിരൂര്‍ വന്ദേ ഭാരത് കണക്ഷന്‍ കെഎസ്ആര്‍ടിസി ബസ് സമയക്രമം ഇങ്ങനെ: മഞ്ചേരിതിരൂര്‍ ബസ് സര്‍വീസ് (07.00ജങ മഞ്ചേരിതിരൂര്‍, 07.00ജങ മഞ്ചേരി ,07.30ജങ മലപ്പുറം, 08.00ജങകോട്ടക്കല്‍ ,08.40ജങതിരൂര്‍)

വന്ദേ ഭാരത് തിരൂര്‍ എത്തിയ ശേഷം റിട്ടേണ്‍ സര്‍വീസ് തിരൂര്‍ മലപ്പുറം ബസ് സര്‍വീസ് (09.00ജങ തിരൂര്‍ മലപ്പുറം, 09.00ജങ തിരൂര്‍ 09.30ജങ കോട്ടക്കല്‍ 10.00ജങ മലപ്പുറം; വന്ദേ ഭരത് കണക്ഷന്‍ ബസ് സര്‍വീസിനെക്കുറിച്ചുള്ള കൂടുതല്‍ വിവരങ്ങള്‍ക്ക് കെഎസ്ആര്‍ടിസി മലപ്പുറം ഡിപ്പോ ഡിപ്പോയുമായി ബന്ധപ്പെടാം ഫോണ്‍ 0483 2734950)