പൊന്നാനി: ജാറം കമ്മിറ്റി ഓഫിസുകളും മദ്റസകളും കേന്ദ്രീകരിച്ച് മോഷണം നടത്തിയ അന്തര്സംസ്ഥാന മോഷ്ടാവ് അറസ്റ്റില്. വയനാട് അമ്പലവയല് തെമ്മിനി മല സ്വദേശി ഷംസാദിനെയാണ് പൊന്നാനി സിഐ വിനോദ് വലിയാറ്റൂരിന്റെ നേതൃത്വത്തില് അറസ്റ്റ് ചെയ്തത്. തമിഴ്നാട്ടിലെ ദിണ്ടിഗലില് നിന്നാണ് ഇയാള് പിടിയിലായത്. പുതുപൊന്നാനി മസാലിഹുല് ഇസ്ലാം സംഘം ഓഫീസിന്റെ വാതില് കുത്തിത്തുറന്ന് 2,60,000 രൂപ മോഷ്ടിച്ച കേസിലാണ് ഇയാളെ അറസ്റ്റ് ചെയ്തത്.