സംസ്ഥാനത്തെ സ്വര്‍ണവിലയില്‍ നേരിയ കുറവ്. ഒരു ഗ്രാം സ്വര്‍ണത്തിന് 70 രൂപ കുറഞ്ഞ് 7385ല്‍ എത്തി. പവന് 560 രൂപ കുറഞ്ഞ് 59,080ല്‍ എത്തി. 59,640 രൂപ നിരക്കിലാണ് സംസ്ഥാനത്ത് ഇന്നലെ സ്വര്‍ണ വ്യാപാരം നടന്നത്. ഇതോടെ 60000 കടക്കുമോ എന്ന ആശങ്കയിലായിരുന്നു ആഭരണ പ്രേമികള്‍. 56,960 രൂപയായിരുന്നു ഒക്ടോബര്‍ 4,5,6,12,13,14 തീയതികളില്‍ സ്വര്‍ണവില. പിന്നീട് ഒക്ടോബര്‍ 16നാണ് വില 57000 കടന്നത്. ഒക്ടോബര്‍ 19 ന് ഇത് 58000വും കടന്നു. അതിന് ശേഷം 58000ത്തിന് താഴോട്ട് പോയിട്ടില്ല.
ഒക്ടോബര്‍ 10ന് രേഖപ്പെടുത്തിയ 56,200 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്. ഈ മാസം ഗ്രാമിന് 7000 രൂപയ്ക്ക് മുകളിലാണ് ഇതുവരെ വിലയെന്നതും ശ്രദ്ധേയമാണ്.
