പാലക്കാട്: പോക്‌സോ കേസ് പ്രതിയെ തൂങ്ങി മരിച്ച നിലയില്‍ കണ്ടെത്തി. 2021 ലെ പോക്‌സോ കേസ് പ്രതി സുലൈമാന്‍ (55) ആണ് തൂങ്ങിമരിച്ചത്. ഇന്ന് പുലര്‍ച്ചെ സഹോദരന്റെ വീട്ടിലെ മരത്തിലാണ് തൂങ്ങി മരിച്ചത്. മൃതദേഹം പോസ്റ്റ്‌മോര്‍ട്ടത്തിനായി പട്ടാമ്പി താലൂക്ക് ആശുപത്രിയിലേക്ക് മാറ്റി. ചാലിശ്ശേരി പൊലീസ് എത്തിയാണ് മൃതദേഹം പോസ്റ്റ്‌മോര്‍ട്ടത്തിന് അയക്കുന്നത് ഉള്‍പ്പെടെയുള്ള തുടര്‍നടപടികള്‍ നീക്കിയത്. സുലൈമാന്റെ പോക്കറ്റില്‍ നിന്നും ചാലിശ്ശേരി പൊലീസ് ആത്മഹത്യാക്കുറിപ്പ് കണ്ടെടുത്തു.
