ക്രിസ്മസ്, പുതുവത്സര ആഘോഷ കാലത്തെ തിരക്കൊഴിവാക്കാന് കൂടുതല് ട്രെയിന് അനുവദിക്കണമെന്ന് കേരളം. കൂടുതല് സര്വീസുകള് അനുവദിക്കണമെന്ന് ആവശ്യപ്പെട്ട് റെയില്വേ ചുമതലയുള്ള മന്ത്രി വി.അബ്ദുറഹിമാന് റെയില്വേ ബോര്ഡ് ചെയര്മാന് വി.കെ.ത്രിപാഠിയ്ക്ക് കത്തയച്ചു. നിലവിലെ ട്രെയിനുകളില് കോച്ച് വര്ധിപ്പിക്കണമെന്നും കേരളം ആവശ്യപ്പെട്ടു.
കേരളത്തിന് കൂടുതല് ട്രെയിനുകള് അനുവദിക്കണം എന്ന് ആവശ്യപ്പെട്ട് സിപിഐഎം രാജ്യസഭാ എംപി വി.ശിവദാസനും റെയില്വേ മന്ത്രിയ്ക്ക് കത്ത് നല്കിയിരുന്നു. ദില്ലി, ബെംഗളൂരു, മുംബൈ, ചെന്നൈ, കൊല്ക്കത്ത നഗരങ്ങളില് നിന്ന് കേരളത്തിലേക്ക് ആവശ്യമായ ട്രെയിനുകള് ഇല്ലെന്നും വിമാനയാത്രക്കൂലി കുത്തനെ ഉയര്ന്നതോടെ വ്യോമയാത്ര അപ്രാപ്യമായ സാഹചര്യമാണെന്നും ഈ സാഹചര്യത്തില് കേരളത്തിലേക്ക് കൂടുതല് ട്രെയിനുകള് അനുവദിക്കണമെന്നും കത്തില് ആവശ്യപ്പെടുന്നു.