കോഴിക്കോട്: വിവാദ ഉത്തരവുകളുമായി കാലിക്കറ്റ് സര്‍വകലാശാല. സര്‍ക്കാരുകളുടെ നയത്തിന് വിരുദ്ധമായ വിഷയങ്ങള്‍ ചെയറുകളുടെ പരിപാടികളില്‍ വേണ്ടെന്നും സിന്‍ഡിക്കേറ്റിലെ വിയോജന കുറിപ്പുകള്‍ സര്‍വകലാശാല രേഖകളില്‍ വേണ്ടെന്നുമുള്ള കാലിക്കറ്റ് സര്‍വകലാശാലയുടെ ഉത്തരവുകളാണ് വിവാദത്തിന് ഇടയാക്കിയത്.
കേന്ദ്ര സംസ്ഥാന സര്‍ക്കാരുകളുടെ നയത്തിന് വിരുദ്ധമായ വിഷയങ്ങള്‍ ചെയറുകളുടെ പരിപാടികളില്‍ അവതരിപ്പിക്കരുതെന്ന് കാലിക്കറ്റ് സര്‍വകലാശാല ഉത്തരവ് ജനാധിപത്യ വിരുദ്ധമാണെന്നാണ് ഉയരുന്ന വിമര്‍ശനം. അതേസമയം, സിന്‍ഡിക്കേറ്റിലെ വിയോജന കുറിപ്പുകള്‍ ഇനി കാലിക്കറ്റ് സര്‍വകലാശാല രേഖകളില്‍ ഉണ്ടാകില്ല. ഭരണപക്ഷം അംഗീകരിച്ചാല്‍ മാത്രമായിരിക്കും ഇത്തരം കാര്യങ്ങള്‍ ഇനി പ്രസിദ്ധീകരിക്കുന്നത് എന്നാണ് സര്‍വ്വകലാശാലയുടെ മറ്റൊരു ഉത്തരവ്.
