മലപ്പുറം തേഞ്ഞിപ്പാലത്ത് വിദ്യാര്‍ഥിയെ സ്‌കൂള്‍ മുറ്റത്ത് വെച്ച് പേപ്പട്ടി കടിച്ചു. വിദ്യാര്‍ഥിയെ കടിച്ച ശേഷം പരാക്രമം കാണിച്ച തെരുവുനായ സ്‌കൂള്‍ വളപ്പില്‍ ചത്തുവീഴുകയും ചെയ്തു. തുടര്‍ന്ന് നടത്തിയ പരിശോധനയിലാണ് നായക്ക് പേ വിഷബാധ സ്ഥിരീകരിച്ചത്.
കാലിക്കറ്റ് യൂണിവേഴ്സിറ്റി ക്യാമ്പസിലെ നാലാം ക്ലാസ് വിദ്യാര്‍ഥിയെയാണ് സ്‌കൂള്‍ മുറ്റത്ത് വെച്ച് നായ കടിച്ചത്. ഇതിന് പിന്നാലെ സ്‌കൂളിലേക്ക് ഓടിക്കയറിയ നായ നിലത്തുകിടന്നുരുളുകയും പുറത്തേക്ക് ഓടി സ്‌കൂള്‍ വളപ്പില്‍ തന്നെ ചത്തുവീഴുകയുമായിരുന്നു.
