നേന്ത്രക്കായയുടെ വില അമ്പതും കടന്ന് 60ലേക്ക് കുതിക്കുന്നു. നേന്ത്രക്കായക്ക് അടുത്ത കാലത്തൊന്നും കിട്ടാത്ത വിലയാണിത്. നേന്ത്രപ്പഴത്തിനും 65 കടന്നു. വേനല്മഴയില് മൂപ്പെത്താതെ തകര്ന്നുവീണ കുലകളും ഇതോടൊപ്പം മോശമല്ലാതെ വിലക്ക് വില്ക്കാന് കഴിഞ്ഞതായി കച്ചവടക്കാര് പറയുന്നു. വയനാട്ടില്നിന്നും ഇതര സംസ്ഥാനങ്ങളില്നിന്നും കായയുടെ വരവ് കുറഞ്ഞതും റമദാന് കാലമായതും വിലവര്ധനവിനിടയായി. കര്ണാടകത്തില്നിന്നും വ്യാപകമായി എത്തിക്കൊണ്ടിരുന്ന നേന്ത്രക്കായ ഇപ്പോള് തീരെ എത്തുന്നില്ല.വിലയില് ഉണ്ടായിരിക്കുന്ന ക്രമാതീതമായ വര്ധന മലയോര മേഖലയിലെ ചെറുകിട കര്ഷകര്ക്കാണ് ഏറെ ഗുണം ചെയ്യുക.ഉല്പന്നങ്ങള് വാങ്ങാന് കൃഷിയിടത്തില്തന്നെ ആവശ്യക്കാര് എത്തുന്നത് ചെറുകിട,ഇടത്തരം കര്ഷകര്ക്കാണ് ഏറെ ഗുണകരമാകുന്നത്. കഴിഞ്ഞ രണ്ടുവര്ഷം വിലയും വിപണിയുമില്ലാതെ കഷ്ടപ്പെടുകയായിരുന്നു കര്ഷകര്.
