പട്ടാമ്പി ലയൺസ് ക്ലബ്ബിന്റെ ഹ്യുമാനിറ്റേറിയൻ പദ്ധതിയുടെ ഭാഗമായി രണ്ടാംമൈലിൽ ലോട്ടറി കച്ചവടം നടത്തുന്ന അമ്പിളി ചേട്ടന് ഭീമൻ കുടയും ലോട്ടറി ബാഗും നൽകി. “ജീവിത പോരാട്ടത്തിന് ചെറിയൊരു കരുതൽ” എന്ന സന്ദേശത്തോടെ ലയൺസ് ക്ലബ്ബ് നടത്തി വരുന്ന പദ്ധതിയാണിത്. ജില്ലാ സെക്രട്ടറി പ്രശാന്ത് മേനോൻ പദ്ധതി ഉദ്ഘാടനം ചെയ്തു. ‘ലെറ്റ്സ് ഫുട്ബോൾ’ പദ്ധതിയിലൂടെ കുട്ടികളുടെ മൊബൈൽ ഉപയോഗം കുറച്ച് ഫുട്ബോൾ കളി പ്രോത്സാഹിപ്പിക്കുന്നതിനായുള്ള ഫുട്ബോൾ പട്ടാമ്പി മുൻസിപ്പാലിറ്റി കൗൺസിലർ പി.ഗിരിജ ഏറ്റുവാങ്ങി. പട്ടാമ്പി ലയൺ ക്ലബ്ബ് സർവീസ് ചെയർപേഴ്സൺ കെ. മനോജ്, എം.ജി. വിജയൻ, കെ.രാജ്കുമാർ എന്നിവർ ചടങ്ങിൽ സന്നിഹിതരായിരുന്നു.
